له ننګرهاره د افغانستان د پارلمان غړی بمي چاودنه کې ټپي شوی

Image caption ښاغلی قائل د افغانستان په ولسي جرګه کې د ننګرهار استازی دی.

د افغانستان په ختیځ ننګرهار ولایت کې سیمه ییزو چارواکو تائید کړې چې عبدالغفار قائل نن سهار (شنبه سپتمبر ۲۶) د یوه ځای پر ځای شوي ماین په چاودنه کې ټپي شوی.

ښاغلی قائل د افغانستان په ولسي جرګه کې د ننګرهار استازی دی.

د ننګرهار د والي ویاند احمد ضیاعبدالزي بي بي سي ته وویل چې دغه چاودنه نن سهار (شنبه سپتمبر ۲۶) شاوخوا ۱۱ بجې د جلال اباد ښار په څلورمه ناحیه کې رامنځته شوه.

نوموړي زیاته کړه چې د ښاغلي قائل موټر د سرک پر غاړه ځای پر ځای شوي ماین ور برابر شو او دغه چاودنه رامنځته شوه.

ښاغلي عبدالزي همداراز وویل چې په دغه چاودنه کې د عبدالغفار قائل دوه ساتونکي او یوه کوچنی ماشوم هم ټپیان شوي دي.

تر اوسه د دغې پېښې مسوولیت چا پر غاړه نه دی اخېستی.

ورته مطالب