کونړ کې چاودنې پنځه پولیس وژلي

د انځور حقوق b

د افغانستان ختیځ کونړ ولایت ناړۍ ولسوالۍ کې د سړک غاړې ماین چاودنې پنځه ملي پولیس وژلي او دوه نور یې ټپیان کړي دي.

د ناړۍ د پولیسو قومندان حاجي یوسف بي بي سي ته وویل، ټول وژل شوي او ټپیان ملي پولیس دي.

خو د کونړ د پولیسو قومندان وايي، چاودنه کې دوه پولیس وژل شوي او دوه نور ټپيان دي.

چاودنه د پولیسو په رینجر موټر شوې ده.

د چاودنې پړه وسله والو طالبانو منلې ده.

د ډیورنډ کرښې ته څېرمه د کونړ ناړۍ یوه ناامنه سیمه ده، چې ځینې وخت یې خامې لارې بندېږي او د سړک غاړې ماینونو اېښودو وېره پکې ډېره وي.

ناړۍ د کونړ له مرکز نه شاوخوا اتیا کیلومتره لیرې غرنۍ سیمه ده.

ورته مطالب