افغانستان – تاجیکستان پر پولې زلزلې مرګ ژوبله اړولې

رپوټونه وايي، د افغانستان او تاجیکستان پر پوله د ریختر په کچه ۶٫۶ درجې زلزلې د سوېل لوېدیځې آسیا ځینې لوی ښارونه لړزولي دي.

د امریکا د ځمکې پېژندې ادارې ویلي، د زلزلې مرکز په افغانستان کې د تاجیکستان پولې ته نژدې و.

زلزله د افغانستان په ځايي وخت د ماسپښین درې بجې وشوه.

دا زلزله په کابل، لاهور او نوي ډیلي کې احساس شوې ده او ګڼ وګړي یې له ودانیو نه بهر ایستو ته اړایستلي دي.

د تېر ۲۰۱۵ کال اکتوبر کې هم ۷٫۵ درجې زلزلې یادې سیمې ولړزولې چې لږترلږه ۳۰۰ کسان یې ووژل.

د افغانستان او پاکستان سرحدي هندوکش سیمه په زلزلو مشهوره ده.

بل خوا د خيبرپښتونخوا د چارواکو په وينا د زلزلې له امله په پېښور کې شاوخوا ۲۷ تنه ټپيان او روغتون ته لېږودل شوي دي.

خيبر پښتونخوا کې د قدرتي پېښو سره د مبارزې د ادارې مشر عابد بي بي سي ته ويلي، چې د زلزلې د تېزو ټکانونو له امله په بونيز کې د ځمکې ښوېدنې په ترڅ کې يوه تن خپل ژوند له لاسه ور کړی او دوه نور ټپيان شوي دي.

کابو یوه لسیزه وړاندې، د پاکستان شمالي سیمې ۷٫۶ درجه زلزلې ولړزولې، چې لږترلږه د ۷۵ زره کسانو د مړینې لامل شو.

د انځور حقوق epa
Image caption د دغې زلزلې له امله په پېښور کې شاوخوا ۲۷ تنه روغتونونو ته لېږدول شوي دي
د انځور حقوق EPA

ورته مطالب