د ۶ میلیون ډالرو په ارښت غلا شوې تابلو مراکش کې موندل شوې

د انځور حقوق AFP
Image caption د ایټالیايي رسام ګورچینو یوه هنري ټوټه (۱۶۶۶-۱۵۹۱)

د مراکش پولیسو د ایټالیا شمالي مودینا ښار له یوې کلیسا نه هغه غلا شوې هنري تاریخي تابلو موندلې، چې قیمتی یې شپږ میلیون امریکايي ډالر اټکل شوی دی.

په مراکش کې د ملي امنیت عمومي مشرې په یوه خبرپاڼه کې ویلي "د قضائیه قوې اړوندو پولیسو قضايي څېړنه پیل کړې ده، چې د دغې تابلو هنري اصلیت پیدا کړي. دا تابلو په دارالبیضاء ښار کې ده، اټکل دی چې د ایټالیا له یوې کلیسا غلا شوې وي".

په خبرپاڼه کې راغلي، د مراکش چارواکو په روم کې د نړیوالو پولیسو (انټرپول) دفتر ددغې تابلو په موندلو خبر کړی دی.

وايي انټرپول اوس ددغې تابلو د جزییاتو په اړه څېړنه کوي چې ایا رښتیا له کلیسا غلا شوې هغه موندل شوې او که کومه بله ده.

د پيکاسو هنري لوحه په ۴۰ میلیون ډالر وپلورل شوه

د مادرید موزیم کې "کله واده کوې" تر ټولو شتمنه لوحه

د مراکش امنیتي ځواکونو د چارشنبې په ورځ د هېواد شمالي دارالبیضاء ښار کې د ارزښتناکو تاریخي اثارو د غلا او خرڅلاو په تور نیولي، چې همدا لوحه یې هم ورسره مندلې ده.

د ایټالیا مودینا ښار عمومي څارنوالې لوشیا موستي د تېرې پنجشنبې په ورځ وویل، ایټالیايي چارواکو د انټرپول په مټ خبر کړل شوي چې مراکش کې یوه هنري تاریخي لوحه موندل شوې ده.

ایټالیايي پولیسو ویلي، له مراکشي چارواکو سره یې د دغې هنري لوحې د بېرته ستنولو په اړه اړیکه نیولې ده.

د ایټالیا مودینا ښار کې د "سان ویتچینسو" په نامه کلیسا د ۲۰۱۴ کال اګسټ میاشت کې د ایټالیايي رسام "جوفاني فرانشیسکو باربییري"، چې په "ګورچینو" مشهور دی، د یوې هنري لوحې د ورکېدو اعلان وکړ.

نوموړي دا لوحه په ۱۶۳۹ کال رسم کړې وه چې په ایټالیا کې له ارښتناکو هنري او تاریخي شاهکارونو ګڼل کېده.

افغانستان ۱۰۲ قاچاق شوي اثار بېرته ترلاسه کړل

اړونده مطالب

ورته مطالب