یونسکو: د عراق فرهنګي میراثونو ته د داعش زیان له تصوره پورته دی

د انځور حقوق AFP
Image caption داعش د نمرود ښار تاریخي اثار ړنګ کړل

د ملګرو ملتونو علمي، فرهنګي او روزنیز سازمان یا یونسکو ویلي؛ کوم زیان چې د اسلام دولت یا داعش نومې ډلې د عراق فرهنګي میراثونو ته اړولی له هغه څه ډېر دی چې تصور یې کېږي.

د یونسکو رییسې اېرېنا بوکووا ویلي؛ دا سازمان غواړي له نورو زیانونو ددغو ځایونو د ساتنې لپاره د هغوی شاوخوا بنده کړي.

عراقي چارواکو ویلي؛ په هغو سمڅو کې چې د موصل په ځینو برخو کې کېندل شوي او په تېرو اونیو کې د داعش له کنټرول نه بهر شوي، ځینې لرغونې توکي یې موندلي دي. داعش اورپکو دغه اثار لوټ کړي وو.

د عراق دولت اټکل کړی چې له ۲۰۱۵ کال راهیسې د نمرود لرغوني ښار ۸۰ سلنه د داعش لخوا ړنګ شوی دی.

+ عراقي ځواکونو 'د نمرود لرغونی ښار له داعش نه بېرته نیولی'

+ داعش د لرغوني نمرود ښار د ویجاړولو وېډیو خپره کړه

د نمرود تاریخي ښار چې له هغې د اشوري تمدن د غمي په توګه یادونه کېږي، تر میلاد ۱۳ کاله پېړۍ وړاندې د موصل سوېل ختیځ په ۳۰ کیلومترۍ کې د دجلې سیند په غاړه جوړ شوی.

یونسکو وړاندې ددغه ښار ړنګول جنګي جنایت بللی و.

عراقي چارواکو ویلي و چې داعش اورپکو له بلدوزرونو په ګټه اخیستو ددې ښار ۳۰۰۰ کلن دېوالونه او مجسمې ړنګې کړې دي.

داعش دا تاریخي اثار د بت پرستۍ مصداق دی او باید دا ډول اثار لمنځه یوړل شي.

+ ''اسلامي دولت'' د نمرود لرغونی ښار ویجاړ کړ

+ "داعش" د عراق لرغوني "حضر" ښار ویجاړول پیل کړي

د انځور حقوق AFP
Image caption داعش د لرغوني نمرود ښار د ویجاړولو وېډیو خپره کړه
د انځور حقوق AFP
Image caption د نمرود لرغونی ښار