د شاه رخ خان د ژوند 'تر ټولو خواشینونکې ورځ'

د انځور حقوق AFP
Image caption ریکها وايي شاه رخ خان له خوبه راویښه کړه

دا وروستیو کې د هندي فلمونو مشهور ستوري شاه رخ خان ته د یش چوپړا یادګاري جایزه ورکړل شوې.

دغو مراسیمو کې د نورو کسانو تر څنګ فلمي ستوریو، ریکها، شتروګن سنها، سیمې ګریوال او د یش چوپړا مېرمن پامیلاچوپړا هم ګډون کړی و.

د شاه رخ خان ريیس: بریالی که ناکام فلم؟

پاکستان کې د شاه رخ خان پر فلم بندیز لګېدلی

ریکها په مراسمو کې د خبرو پر مهال وویل، یو ځل شاه رخ خان له خوبه راویښه کړې وه. ریکها وویل:

د انځور حقوق AFP
Image caption ریکها وايي د لمر پر ځای یې شاه رخ ولید

' موږ الوتکه کې سفر کاوه، زه ډېره ستړې وم. ویده شوم. شاه رخ راویښه کړم او راته یې وویل، چې د لمر ډوبېدو ننداره وکړم. زه دومره ستړې وم، چې د لمر پر ځای مې هغه کس پسې کتل، چې راویښه کړې یې وم او دغه کس شاه رخ و. '

د انځور حقوق CRISPY BOLLYWOOD
Image caption دغو مراسیمو کې د نورو کسانو تر څنګ فلمي ستوریو، ریکها، شتروګن سنها، سیمې ګریوال او د یش چوپړا مېرمن پامیلاچوپړا هم ګډون کړی و.

شاه رخ په دې هکله وویل، چې د لمر په کیسه کې نه و:

'اصلاً مې له ریکها سره د خبرو لپاره مې پلمه غوښته. دا زما لپاره تر ټولو خواشینونکې ورځ ده، ځکه ریکها مې تر لاس 'راکهي ' وتاړه ( په دودیز ډول هندۍ خوېندې د خپلو وروڼو تر مړوند یو تار غوټه کوي، چې راکهي بندهن ورته وايي او د اوږده عمر لپاره یې دعا کوي ). '

شاه رخ په دې مناسبت د یش چوپړه یادوونه وکړه، چې په خبره یې 'هغه و، چې زه یې تر دې ځایه ورسولم. هغه راته ویل کې د مینې او محبت پر کیسو جوړ شوي فلمونو کې رول و نه لوبوم، فعالیت مې له منځه ځي. زه پوهېدم، چې عاشق مزاج نه یم نه مې هم څېره د دغې فلمونو مرکزي رول لوبونکو ته ورته ده، خو د هغه خبره مې ومنله او بریالی شوم. '

د انځور حقوق AFP
Image caption شاه رخ وايي د یش چوپړا له لارښوونو سره یې پرمختګ کړی

شاه رخ وايي، 'پلار مې راته ویل، که کله کشمیر ته تلې، له ما سره به ملګری ځې، خو هغه سره ژوند وفا و نه کړه، تر کلونو پورې مې کشمیر و نه لید، خو بیا یو مهال د پلار په څېر یش چوپړه راته وویل، چې کشمیر ته به ځو او زه هم ورسره لاړم. '

اړونده مطالب

ورته مطالب