''دغه کالي د خوب خونې ته وساته''

د انځور حقوق ANDREAS RENTZ
Image caption دیپیکا د پیغام لیکونکو ځواب کې هېڅ نه دي ویلي

نن سبا پر خواله رسنیو یو شمېر مشهورې څېرې او بیا په ځانګړې توګه ښځینه هنرمندانې او لوبغاړې د خپلو کالیو له کبله له نیوکو، غندنو سره مخامخ دي او کله نا کله بیا ستایل کېږي هم.

هند کې هم دغه دود شته او کله د ټېنیس لوبغاړې ثانیه مرزا پر کالیو اعتراض کېږي، نو کله بیا د فلمي لوبغاړې ثنا شیخ پر کالیو.

وروستی ځل د هندي فلمونو پر مشهورې هنرمندې دیپیکا پوډوکون پر کالیو نیوکې شوې.

د ښکلا کریم اعلان په تړاو پر شاهرخ خان او دیپيکا نیوکه

د ډایرېکټر د توپیري خبرو په خلاف د هنرمندې دریځ وستایل شو

بالیووډ هند کې د رواني روغتیا موضوع ننګولې

دیپیکا پر انسټاګرام خپل تصویر خپور کړی، چې په کې یې سپین رنګه لنډ کالي اغوستي او له سېنډلو یا څپلیو سره پر څوکۍ ناسته ده.

د تصویر له خپرېدو سره سم پرې ځینو د ستاینې پیغامونه لیکلي، ښایسته یې بللی او ځینو نورو بیا له هغې پوښتلي، چې 'دغه ډول تصویرونو سره څه ثابتول غواړي؟ '

ځینو لیکلي 'که فکر کوئ دې سره به شهرت ومومئ، دا هڅه مو بې ګټې ده! '

د انځور حقوق Getty Images

یو شمېر نورو بیا لیکلي:

''دغه تصویر د خوب خونې لپاره وساته! ''

ځینو ورته لیکلي، 'باید شرم وکړې ' او یو شمېر نورو بیا د هندي دود، دستور پیغور ورکړی دی.

خو دیپیکا د دغو پیغامونو ځواب کې دې ته ورته یو بل تصویر سملاسي خپور کړی. دې کې یو پیغام داسې لیکلی و:

''که زه داسې څپلیو سره پر څوکې کېناستم، مور به مې سخته ووهي! '

۳۱ کلنه دیپیکا پاډوکون لومړی ځل ۲۰۰۷ کال کې له وتلي فلمي ستوري شاه رخ خان سره 'اوم شانتی اوم' نومي فلم کې راڅرګنده شوه.