هند: پرانټرنېټ د هندي فلمونو ناقانونه کتل بند شول

Movie posters د انځور حقوق Prkash Jha/Red Chillies
Image caption د محکمې حکم دوه وروستي فلمونه د بېلګې په ډول یاد کړې دي.

په هند کې دننه له انټرنټي ارشیفه د هندي فلمونو کتل بند شول.

د هندۍ سینما، بالیووډ دوو کمپنیو وروسته له هغه د دوی د فلمونو د غلا شویو کاپي پر لیدو د بندیز اقدام وکړ چې په ټول هېواد کې د یوه فلم له تولید لږ وروسته به یې غلاشوې کاپي په ارزانه بیه د لاسرسي وړ وه.

یوه حکومتي اژانس بي بي سي ته د محکمې حکم استولی دی.

په هغه لست کې چې قاضي د انټرنېټ کمپنیو ته حکم کړی بند یې کړي ۲۶۵۰ وېبپاڼې دي. ډېری وېبپاڼې د اسنادو د راکړې ورکړې لپاره کارول کېږي خو انټرنټي ارشیف هم لري.

Wayback Machine نومې وېبپاڼه چې مرکز یې د امریکا سان فرانسسکو کې دی، پر دې مشهوره ده چې انټرنېټ کاروونکي کولی شي په کې د یوې پاڼې پخوانۍ بڼې هم وویني. دا تر ۳۰۲ بېلیونو (میلیاردونو) ډېرې ساتل شوې پاڼې لري.

د انځور حقوق Internet Archive
Image caption دوې لسیزې وړاندې د انټرنېټ ارشیف د پاڼو ساتلو ته پیل کړی.

د دغه کار ترسره کولو کې د بالیووډ دوو کمپنیو ډېره ونډه درلوده، پرکاش جا پروډکشن او رېډ چیلیز انټرټېنمنټ.

اوس چې انټرنېټ کاروونکي وغواړي د پخوا په شان د فلمونو لټون وکړي، یو پیغام ورته راځي چې د حکومت د مخابراتو د وزارت په امر ستاسې لاسرسي ته اجازه نشته.

اړونده مطالب