''ملکه شیراوت ښايي له کوره وشړل شي''

ملکه شراوت نژدې ۴۰ هندي فلمونو کې رول لوبولی. د انځور حقوق Getty Images
Image caption ملکه شراوت نژدې ۴۰ هندي فلمونو کې رول لوبولی.

هندۍ ممثلې ملکه شیراوت او میړه یې پاریس کې د کرایي اپارتمان کرایه نه ده ورکړې او داسې ویل کېږي ښايي له کوره وشړل شي.

ملکه شراوت نژدې ۴۰ هندي فلمونو کې رول لوبولی. دغه مېړه، ښځه باید د اپارتمان کرایې لپاره نژدې ۸۰ زره یورو ورکړي.

اوس به د پاریس یوه محکمه دغې قضیې کې وروستۍ پرېکړه کوي.

د ملکې مدافع وکیل ویلي، پر نوموړې دغه ودانۍ کې برید شوی و او د خپلې 'اندېښنې څرګندولو ' لپاره یې کرایه نه ده ورکړې.

ویرات کوهلي له انوشکا سره واده کوي

فلمي لوبغاړې انجلینا له میړه د جلا کېدو پرېکړه کړې

نوموړی وايي:

''که ټول مسایل حل شوي وای، کرایه به یې ورکړې وه ''

د اپارتمان څښتن اولیور مې ریندنې بیا په عریضه کې د کور میزونو، څوکیو او یوه ګران بیه ساعت اخیستو غوښتنه کړې.

د نوموړي وکیل ویلي، دغه جوړه په اسانۍ سره کولای شي د کرایې پېسې ورکړي، خو د ملکه شراوت مدافع وکیل ویلي، موکله یې په موقت ډول له اقتصادي ستونزو سره لاس او ګرېوان ده.

د انځور حقوق KARIM SAHIB

خپله ملکه شراووت په یوه ټویټر پیغام کې انکار کړی، چې ګواکې پاریس کې کوم اپارتمان لري:

''رسنیو کې ځینې خلک فکر کوي، چې زه پاریس کې کور لرم، دا خبره دروغ ده او که چا ما ته د بسپنې په توګه راکړی وي، مهرباني دې وکړي او ادرس دې یې راته ولېږي. ''

د ملکه شراوت دغه ټویټر پیغام ډېر خلک ځکه حیران کړي، چې په هېڅ یوه خبري رپوټ کې داسې نه دي ویل شوي، چې ملکه شراوت پاریس کې کوم اپارتمان لري.

اړونده مطالب