د انیل کپور لور سونم کپور له چا سره واده کوي؟

د انځور حقوق Getty Images

راوانه اونۍ کې د بالیووډ سېنما د نامتو ستوري انیل کپور د لور سونم کپور واده د هندي ورځپانو سرلیک دی.

له پخوا راهيسې په رسنیو کې د دوی د واده په هکله خبرې کېدې خو په دې اړه د سونم کپور کورنۍ او د هغې راتلوونکي د ژوند ملګري انند اهوجا په دې اړه هېڅ نه ویل. دا دی اوس همدا اوونۍ یاني د مئ پر اتمه د دوی دواړو واده دی.

بالیووډ کې د "تاریخ تېرو" هنرمنو پړاو بشپړ شوی؟

بالیووډ کې به نور څوک ودونه کوي؟

پډ من: په خوږه ژبه ویل شوې سختې خبرې

سونم کپور ټول پېژني چې د هندي سېنما یوه بریالۍ لوبغاړې او د انیل کپور لور ده خو دا چې انند اهوجا څوک دی او له نوموړې سره یې لیده کاته کله او څنګه شوي ډېر کم خلک پوهېږي.

انند اهوجا څوک دی؟

د انځور حقوق INSTAGRAM/ANANDAHUJA

انند اهوجا په اصل کې د ډېلي دی. نوموړی سوداګر دی او د کالیو یو مشهور برانډ لري.

د انند نېکه هم د هند یو له لویو واردوونکو سوداګرو دی چې کلنۍ ګټه يې درې زره کروړه ده.

سونم کپور او انند اهوجا لومړی ځل په ۲۰۱۴ کال کې سره لیدلي.

اړونده مطالب

ورته مطالب