ستاسې غږ: پیسې لګېږي خو کوکنار نه کمېږي، ولې؟

Image caption په ورکېدو یې پیسې لګېږي خو د کوکنارو کر نه دی کم شوی

په افغانستان کې د کوکنارود کر په اړه د نوو شمېرو تر مخه تېر کال د افغانستان په بيلابېلو برخو کې د کوکنارو کروندې کې زياتوالى راغلى دى.

دا شمېرې په داسې وخت کې مخې ته راغلې دي چې د کوکنارو د کښت له منځه وړلو لپاره په تېرو ١٢ کالو کې په لويه اندازه پېسې لگول شوې دي.

داسې اندېښنې دي چې د روان کال تر پايه نړيوال هم افغانستان کې اوس خپل فعاليتونه راغونډوي کېدى شي د کوکنارو کرونده نوره هم پراخه شي.

دا اونۍ ستاسې غږ کې له تاسې اورو چې د کوکنارو د کروندې د زياتېدو علتونه څه کيدى شي؟

ايا د بهرنېو جگړيزو پوځيانو له وتلو وروسته به دې کې نور زياتوالى هم راځي؟

که غواړئ په دې اړه خپرونې کې برخه واخلئ.

د پنج شنبې د ماښامنۍ خپرونې پر مهال په ۰۰۴۴۲۰۷۴۳۶۰۹۱۹ زنگ راووهئ.

دغه راز په فېسبوک هم خپل پيغامونه پرېښودلى شئ.

د خپرونې کوربه عنایت الحق یاسيني دی