Got a TV Licence?

You need one to watch live TV on any channel or device, and BBC programmes on iPlayer. It’s the law.

Find out more
I don’t have a TV Licence.

لنډیز

  1. برتانیا کې یو ګوند هم غوڅ اکثریت رايې ونه ګټلې
  2. واکمن محافظه کار ګوند تر نورو ګوندو ډېرې رایې ګټلي
  3. کارګر ګوند په دویم کتار کې ځای لري
  4. د ټاکنو ګټلو لپاره یو ګوند ۳۲۶ څوکیو ته اړتیا لري
  5. دغه ټولټاکنو کې د پارلمان لپاره ۶۵۰ غړو ته رایه اچول شوې
  6. د کارګوند مشر ویلي مېرمن مې باید استعفا ورکړي

په ژوندۍ بڼه خبري پوښښ

ټول وختونه د برتانیا له معیاري وخت سره سم دي

تېرېزا مې د نوی حکومت جوړولو اعلان وکړ

د بریتانیا لومړۍ وزیره تیرېزا مې ټاکنو کې تر ماتې خوړلو وروسته پر ځايي وخت ۱۲:۳۰ بجو بکینګهام ماڼۍ کې له ملکې سره ولیدل او د نوي حکومت جوړېدو اعلان یې وکړ.

د کارګر ګوند مشر جیرمي کوربین د اغلې مې د استعفا غوښتنه وکړه، خو دا وايي اوس یې هېواد "ثبات" ته اړتیا لري او له خپلې څوکۍ استعفا نه کوي.

لومړۍ وزیره په خپل دفتر کې پاتېږي او د دیموکراټیکو متحدینو ګوند به یې د لږکیو د ادارې په جوړولو کې ملاتړ کوي.

تیرېزا مې په دې هیله تر ټاکلې نېټې مخکې ټاکنې وکړې، چې ګوندي ډېرې رایې وګټي، خو د کارګر ګوند پروړاندې یې د خپلو څوکیو شمېر ډېر کړ.

ویل کېږي چې له وخت نه وړاندې ټاکنې یو چمار و چې پایله یې د لومړۍ وزیرې لپاره ټکان ورکوونکې وه.

تېرېزا مې د راتلونکو پنځو کلونو لپاره د برتانیا لومړۍ وزیره پاتې شوه
Google
تېرېزا مې د راتلونکو پنځو کلونو لپاره د برتانیا لومړۍ وزیره پاتې شوه

هندي او پاکستاني الاصله بریالي کاندیدان

د برتانیا وروستیو ټاکنو کې ۵۶ هندي الاصله او ۳۰ پاکستاني الاصله کاندیدانو هم برخه درلوده. له دغې ډلې ۲۴ کسان د برتانیا پارلمان ته ټاکل شوي دي. په بریالي شویو کاندیدانو کې یو شمېر ښځې هم شاملې دي.اووه هندي الاصله کاندیدان د لیبر (کارګر) ګوند او پنځه د محافظه کار ګوند له لوري بریالي شوي دي. دغه راز منجیت سینګ دهیشتي لومړنی سک کاندید دی، چې دودیز پټکی پر سروي او د برتانیا پارلمان ته یې لار موندلې او پریت کور ګل لومړنۍ سکه ښځه ده، چې د برتانیا پارلمان کې به د خپلې ټاکنیزې حوزې د خلکو استازیتوب کوي.

.
BBC

په څو شېبو کې به لومړۍ وزیره د ملکې لیدو ورشي

د ملکې ماڼۍ
BBC

وروستیتیرېزا مې د حکومت جوړولو په لټه کې

د بریتانیا لومړۍ وزیره تیرېزا مې ټاکنو کې تر ماتې خوړلو وروسته پر ځايي وخت پر ۱۲:۳۰ بجو بکینګهام ماڼۍ ته ځي چې د نوي دولت جوړېدو په اړه له ملکې سره وویني.

بشپړ خبر:‌ تیرېزا مې د حکومت جوړولو په لټه کې

تېریزا مې
Getty Images

اوس به څه کېږي؟

یو ګوند هم اکثریت څوکۍ نه دي ګټلي

د برتانیا ټاکنو پایله کې ځوړند پارلمان رامنځته شوی دی او اوس پوښتنه دا ده، چې دغسې حالت کې باید څه وشي؟ ایا هغه ګوند به واکمن شي، چې تر ټولو ډېرې څوکۍ یې ګټلې دي؟

نور معلومات دلته لوستلی شئ:‌ اوس به څه کېږي؟

وروستید کلېک وړ نقشه

نقشه: برتانیا کې کومې سیمې چا ګټلي؟

واکمن ګوند خپل اکثریت له لاسه ورکړ چې تمه دغه ګوند یې تمه نه درلوده.
Getty Images
واکمن ګوند خپل اکثریت له لاسه ورکړ چې تمه دغه ګوند یې تمه نه درلوده.

د برتانیا رسنۍ

د برتانیا ځینو رسنیو لیکلي چې لومړۍ وزیر تېریزا مې فکر نه کو چې په دې ټاکنو کې به یې ګوند څوکۍ له لاسه ورکړي او په پارلمان کې به یې اکثریت کم شي.‌

برتانیا کې ځینې ورځپاڼې
Getty Images
برتانیا کې ځینې ورځپاڼې

وروستید نوي‌ حکومت اعلان

د واکمن محافظه کار ګوند په پارلمان کې اکثریت له لاسه ورکړ او نوی پارلمان به معلق یا ځوړند پارلمان وی ځکه یو ګوند هم اکثریت څوکۍ نه دي ګټلي.

نن غرمه به لومړۍ وزیره تېریزا مې چې د محافظه کار ګوند مشري هم په غاړه لري د نوی حکومت جوړولو په موخه د ملکې لیدو ته بکینکهام ماڼۍ ته لاړه شي.

دا په داسې حال کې ده چې د کارګر ګوند مشر جرمی کوربین ویلي چې لومړۍ وزیره باید استعفا وکړي خو مېرمن مې ویلي هېواد ثبات ته اړتیا لري‌ او له خپلې دندې نه ګوښه کېږي‌.

مېرمن مې ویلي‌ له خپلې دندې نه ګوښه کېږي
Getty Images
مېرمن مې ویلي‌ له خپلې دندې نه ګوښه کېږي

وروستیتېریزا مې د ایتلافي حکومت جوړولو هڅه کوي

د دغو ټاکنو پایلو اندېښنې هم راپورته کړې دي. محافظه کار ګوند پارلمان کې اکثریت له لاسه ورکړی او کارګر ګوند نه دی توانېدلی اړین اکثریت تر لاسه کړي. له همدې کبله هېڅ ګوند نه شي کولای د حکومت تشکیل لپاره اړین اکثریت تر لاسه کړي.

د برتانیا ټاکنې
BBC

وروستید برتانیا ټاکنو پایله: ځوړند پارلمان

د برتانیا ټولټاکنو پایلې ښيي، چې هېڅ ګوند نه دی توانېدلی د حکومت جوړولو لپاره اړین اکثریت تر لاسه کړي. د ټاکنو پایلو یوازې یوه لاره جووته کړې، چې یا اییتلافي حکومت جوړ شي او یا هم بیا ټاکنې وشي!

کوربین ویلي مېرمن مې باید استعفا وکړي، مې ویلي د ثبات یقیني کولو وخت دی
Getty Images
کوربین ویلي مېرمن مې باید استعفا وکړي، مې ویلي د ثبات یقیني کولو وخت دی

د بي بي سي اندریو ماري وايي هېچا داسې تمه نه کوله، چې د محافظه کار ګوند کمپاین به دومره متزلزل، ځینې اقدامات به ورنه پاتې وي او ټېرېزا مې به دومره ناخوښه وي.

د سکاټلنډ ملي ګوند - ایس این پي

د ایس این پي نیکولا ستورګیون لپاره تېره شپه د ماتې شپه وه. دوی پر ۲۲ څوکیو د لیبر او محافظه کارانو او نورو ګوندونو پر وړاندې ماتې وخوړه.

د ایس این پي نیکولا ستورګیون
Getty Images

زموږ همکاران د کارګرګوند دفتر مخ ته د ټاکنو په اړه معلومات وړاندې کوي

د ټاکنو پایله

تر اوسه د ۶۴۸ څوکیو لپاره رایې شمېرل شوي. ټولې څوکې ۶۵۰ دی.

محافظه کار ګوند ۳۱۵

کارګر ګوند ۲۶۱

.
Getty Images
.
Getty Images
په دې ټاکنو کې محافظه کار ګوند ۱۲ څوکې وبایللې

ښکاري چې کارګر ګوند له ځوانو رای اچوونکو ډېره ګټه واخیسته او د ښاغلي کوربین له پراخ لید سره یې رایې ورکړې.

وروستیکوربین د استعفا غوښتنه تکرار کړه

د بي بي سي سیاسي چارو ایډیټره لارا کنزبرګ وايي، د کارګر ګوند مشر جیرمي کوربین یو ځل بیا د لومړۍ وزیرې ټېرېزا مې د استعفا غوښتنه کړې. نوموړي دغه راز ویلي، ګوند یې چمتو دی، چې حکومت تشکیل کړي او په وینا یې له اروپايي اتحادیې به د برتانیا وتلو د خبرو لړۍ روانه وي.

Corbyn repeats his call for May to resign

د کارګر ګوند پرمختګ کې د ځوانانو ونډه؟

د ټاکنو په برخه کې د بي بي سي څېړونکی پروفیسر جان وايي د دریېو دلیلونو پر بنسټ ویلی شو چې د کارګر ګوند په بریا کې ځوانانو ونډه لرله.

  1. په هغو سیمو کې چې ځوانانو رایې اچولې د کارګر ګوند تله درنه ده
  2. په یو شمېر ټاکنیزو حوزو کې د ځوانانو ونډه ډېره وه
  3. په هغو حوزو کې چې د رایې ورکوونکو شمېر ډېر وو، د کارګر ګوند رایې ډېرې وې

وروستید لومړۍ وزیرې د استعفا غوښتنه

ویل کېږي لومړی وزیره تېریزا مې استعفا نه ورکوي. د کارګر ګوند مشر ویلې و چې تېریزا مې باید استعفا ورکړي ځکه اعتبار یې له لاسه وکړی. د تېرېزا مې ګوند په ټاکنو کې غوڅ اکثریت څوکې تر لاسه نه کړې.

د بي بي سي خبریال وايي‌ د کارګر ګوند مشر جرمي کوبین د خپل ګوند مرکز په خندا را ننوت.

Jeremy Corbyn enters Labour hq smiling and giving the thumbs up and greeting staff but saying nothing publicly

Jeremy Corbyn enters Labour hq smiling and giving the thumbs up and greeting staff but saying nothing publicly

لومړۍ وزیره

د ثبات ټینګښت

د برتانیا لومړۍ وزیره او د محافظه کار ګوند مشره تېرېزا مې وايي، ګوند یې تر نورو ډېرې رایې ګټلي او باید ثبات یقیني کړي. دا په داسې حال کې ده چې د کارګوند مشر ویلي مېرمن مې باید استعفا وکړي.

لومړۍ وزیره
Getty Images

پر سوداګرۍ د ټاکنو پایلې اغیز

برتانیا کې د صنعت کنفدراسیون مشرې کارولین فایربایرن ویلي، دغه هېواد کې به د ټاکنو پایلې سوداګرۍ ته حیرانونکې وي او په وینا یې دغه هېواد باید څرګنده کړي، چې سوداګرۍ ته یې غېږ پرانیستې ده:

موږ باید په خورا څرګند ډول ووایو، چې هېواد مو د تشبث پلوي دی او سوداګرۍ ته یې دروازې پرانیستې دي

کارولین فایربایرند صنعت کنفدراسیون مشره

وروستیځوړند پارلمان

د برتانیا ټاکنو پایلې روښانه شوې. یوه ګوند هم غوڅ اکثریت څوکۍ نه دي ګټلي. برتانیا کې دې ته هنګ یعنی ځوړند پارلمان وايي. معلومه نه ده چې کوم ګوندونه به ایتلاف کوي. حتمي نه ده چې د ډېرو څوکیو ګټونکی ګوند به حکومت جوړوي.‌ شونې ده چې واړه ګوندونه د کارګر ګوند سره ایتلاف وکړي او حکومت جوړ کړي.

برتانیا کې ټاکنې
BBC

پر کډوالي د برتانوي ټاکنو اغېزې

پر کډوالي د برتانوي ټاکنو اغېزې

د حکومت جوړول

معلق پارلمان، ایتلافي حکومت

معلومه شوه چې یو ګوند هم غوڅ اکثریت څوکۍ نه شي ګټلی.

د مشروعیت یوازینۍ آزموینه به دا وي چې آیا کوم ګوند کولای شي داسې حکومت جوړکړي چې په ولسي جرګې کې د خپل پروګرام او وړاندیز شویو قوانینو د تصویب لپاره کافي راېې ولري.

په تیوري کې کارګر ګوند کولای شي د وړو ګوندونو په مرسته حکومت جوړکړي، که څه هم په ټاکنو کې ېې له سیال ګوند نه زیاتې څوکۍ نه دي ګټلي.

یا، کېدای شي محافظه کار ګوند چې ډېر څوکۍ یې ګټلي د وړو ګوندونو په مرسته حکومت جوړکړي، لکه چې په ۲۰۱۰ کال ېې وکړل.

۲۰۱۰ کال کې لبرال دیموکرات او محافظه کار ګوند ایتلاف وکړ
Getty Images

په تېرو ټاکنو کې د بریتانیا محافظه کار او لېبرال دموکرات ګوندونو یو ایتلافي حکومت جوړکړ.

ډیویډ کمرون، نیک کلیګ او اید میلیبند
Getty Images

د یوه بریالي سیاستوال پای

په ایتلافي حکومت کې مرستیال لومړی وزیر

د لبرال دیموکرات ګوند پخواني مشر او د برتانیا پخواني مرستیال لومړي وزیر نیک کلیګ په شیفلډ هیلم سیمه کې د لیبر ګوند کاندید پر وړاندې ماتې خوړلې.

د بي بي سي سیاسي چارو ایډیټره لارا کونزبرک وايي، د لیبر له لاسه د ښاغلي ګلیګ ماتې د یوه بریالي سیاستوال د فعالیت پای دی. نوموړی ۱۲ ځله له دغې سیمې بریالی شوی و.

لبرال دیموکراتانو ژمنه کړې وه، چې د بریا په صورت کې به اروپا کې د پاتې کېدو لپاره دویم ځلې ټولپوښتنه وکړي او ښاغلی کلیګ د دې چارې کلک پلوي و.

ښاغلي کلګ په ۲۰۱۰ کال کې د ډیویډ کمرون په مشرۍ د محافظه کار ګوند سره ایتلافي حکومت جوړ کړی و.

نیک کلیګ
نیک کلیګ

وروستید برتانیا نا معلوم سیاسي حالت

د بریتانیا په وخت د پنجشنبې د ماښام په ۹ بجو عمومي ټاکنې پاې ته ورسېدې او د رایو اچولو مرکزونه بند شول.

په پام کې وه د ټاکنو نتیجې به وښیې چې د کوم ګوند مشر/مشره به د هېواد د لومړي وزیر دفتر ته ننوځي او د راتلوونکو پنځو کلونو لپاره به د حکومت چارې پرمخ بوځي.

تراوسه پورې همدغسې وه، خو داځلي حالات پېچلي دي او ډېر شیان ندي معلوم چې آیا د ټاکنو ګټونکی به لومړی وزیر کېږي که څنګه؟

تراوسه پورې د بریتانیا ټاکنې پدې ډول ترسره کېدې. رایو ورکوونکو به د خپلې خوښې ګوند نوماند ته راېې ورکولې او هیله به یې کوله چې د سترو ګوندونو څخه به یو، محافظه کار یا کارګر ګوند، بشپړ اکثریت ګټي، او د دې ګوند مشر به لومړی وزیر کېږي.

د دویمې نړیوالې جګړې راهیسې زیاتره وخت حالات همدغسې وو.

خو د ۲۰۱۰ په څېر دا ځل کیسه بیا بدله ده. یو ګوند هم غوڅ اکثریت نه شي ګټلی معنا دا چې معلق پارلمان ته لاره هواره شوه.‌ دا په دې معنا ده چې یو ګوند نه شي کولی په خپله حکومت جوړ کړي باید ایتلاف وکړي.

په ډېرو اروپايي هېوادو کې ایتلافي حکومت کوم غیرعادي شی ندی.

بریتانیا کې ډېر مروج نه ؤ، خو پدې وروستیو کې ورته اړتیا پیدا شوې.

د محافظه کار ګوند مشرې او لومړۍ وزیرې ټېرېزا مې له پولیسو مننه وکړه، چې د امنیت لپاره یې کار کړی.

وروستیلومړۍ وزیره مې باید استعفا ورکړي

د لیبر ګوند مشر جیرمي کوربین وايي د ټولټاکنو پیغام دا دی، چې ټېرېزا مې باید نور دنده پرېږدي او لیبر ته ځای خوشی کړي. د نوموړي په وینا لومړۍ وزیرې د دې لپاره د ټاکنو اعلان کړی و، چې ټاکنو کې غوڅ اکثریت تر لاسه کړي. خو داسې ونه شول او محافظه کار ګوند څوکۍ له لاسه ورکړې او دې سره یې باور او رایې هم وبایللې.

WATCH: Labour leader Jeremy Corbyn calls for UK PM Theresa May to stand down. More #GeneralElection updates:… twitter.com/i/web/status/8…

په ټاکنو کې محافظه کارانو ډېرې څوکۍ ګټلې خو د اکثريت په تر لاسه کولو کې پاتې راغلي دي .

د برتانیا پارلمان
Getty Images

وروستیغوڅ اکثریت

برتانیا کې رایه اچوونه پاي ته رسېدلې او د رایو شمېر پیل شوی دی. له راییو اچوونې وروسته چې کومه نظرپوښتنه شوې، ښې چې د واکمن محافظه کار ګوند په ګډون یو ګوند هم ښايي غوڅ اکثریت و نه ګټي او ښايي ایتلافي حکومت جوړ شي.

برتانیا کې د ګوند مشران
برتانیا کې د ګوند مشران