اروزګان کې ۲ حکومتي مشران د فساد په تور نیول شوي

د خپريدو وخت: 07:53 گرینویچ - جمعه 23 نومبر 2012 - 03 لیندۍ 1391

د اروزګان ولایت د پوهنې رییس صدیق الله هاند او په دغه ولایت کې د یونیسکو د چټکو زده کړو مشر شریف الله جنتي د درغلۍ او اداري فساد په تور ونیول شول.

پردغو کسانو تور دی چې د پوهنې په ریاست کې یې په پراخه کچه درغلې کړې، چې له کبله یې په دغه ولایت کې د پوهنې بهیر هم سخت اغېزمن کړی دی.

د اروزګان ولايت د والي وياند عبدالله همت وايي چې ددي ولايت د پوهنې ريس او د سواد زده کړې د ادارې مشر یې د درغلۍ په تور څارنوالۍ ته ورپېژندلی، چې دده په ټکو د څارنوالۍ له لوري ترې پوښتنې ګروېږنې روانې دي.

د اروزګان والي امیرمحمد اخندزاده عدلي او قضایي ارګانونو ته ویلي چې په رڼه او دقیقه توګه دې د دوی اړونده دوسیه وڅېړي.

وړاندې تر دې هم د اروزګان ولایت د پوهنې ریس د اداري فساد له کبله له دندې ګوښه شوی و.

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .