پېلوځی: اوسکار جايزې

د خپريدو وخت: 05:14 گرینویچ - شنبه‬ 02 مارچ 2013 - 12 کب 1391

ميډيا پلير

د دې اوونۍ پېلوځي کې پر اوسکار جايزو خبرې کوو، بيا پر افغان سينما بنډار لرو او ورپسې پېلوځي افغان ښوونځيو ته د کتابونو پر ژباړې مرکه هم لرو.

اوريدلmp3

تاسو د فلش پروگرام سمه بڼه نه لرئ

په يو بل غږونکي کې يې وغږوئ

په هاليووډ کې د اسکار جایزې ووېشل شوې، د وزلوبې هلکان افغان فلم هم د اسکار جایزې ته کاندید و، په همدې پلمه د افغانستان سینما د اوسني حالت په اړه غږېږو.

د افغانستان د پوهنې وزارت په لومړي ځل د تخنیکي او مسلکي زده کړو لپاره پښتو کتابونه ژباړلي او چاپ کړي دي.

تېره اوونۍ (د فبروري وروستۍ اوونۍ) د هالیووډ د “دولبې” په تیاتر کې د سینما د نړۍ د اوسکار ۸۵مې جایزې ووېشل شوې.

دا جایزې هر کال غوره فلمونو، غوره فلم جوړوونکو، غوره لوبغاړو، د فلم غوره داستان، دهغه غوره سندرې او ښه انځور ته ورکول کېږي.

د برتانیې فلم ستوری، دانیېل دې لېویس هغه لومړنۍ څوک شو چې د اسکار په تاریخ کې یې د لومړي ځل لپاره د ښه فلم لوبغاړي درې جایزې وګټلې.

هغه د “لېنکولن”، “هلته به وینه وي” او “زما اېښودل شوې پښه” په فلمونو کې وځلېد.

د “ارګو” فلم د ښه انځور جایزه وګټله او تایواني فلم جوړوونکي “انګ لي” د ښه فلم جوړونکي جایزه وګټله.

برتانوۍ سندرغاړې “ادېل” د “سکای فل” د فلم لپاره د سندرې په بدل کې جایزه ترلاسه کړه.

له واشنګټنه د جاوېډ کوټوال رپوټ لرو او په د افغانستان د سینما په اوسني حالت بحث لرو.

ښوونځيو لپاره د ژباړې کتابونه

د افغانستان د پوهنې وزارت وايي، په تېرو نژدې سلو کلونو کې په لومړي ځل د تخنیکي او مسلکي زده کړو لپاره پښتو کتابونه ژباړل شوي او چاپ شوي دي.

د وزارت په وینا اوسمهال نژدې ۳۰۰ کتابونه له دري، انګریزي، عربي او جرمني ژبو پښتو ته ژباړل شوې او وايي دغه لړۍ به د راتلونکو پنځو کلونو لپاره روانه وساتي.

له نوموړي سره مرکه لرو.

ملٹی میڈیا

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .