په دې وسیله کې د غږ اوريدل او ویډیو لیدنه شونې نه ده.

افغانستان کې د هند او پاکستان نیابتي جګړه شونې ده؟

څه موده مخکې د پاکستان پخواني ولسمشر پرویز مشرف د فرانس پریس خبري اژانس سره په مرکه کې ویلي وو چې د ناټو ځواکونو له وتلو وروسته به افغانستان د هند او پاکستان تر منځ د نیابتي جګړې په دګر بدل شي.

د ښاغلي مشرف د دغو څرګندونو پر وړاندې افغانستان کې پراخ غبرګون وښودل شو.

د افغانستان ولسمشر محمد اشرف غني د سوېلي اسیا هېوادونو د همکارۍ سازمان (سارک) اتلسمې سرمشریزې ته چې د هند او پاکستان مشرانو هم په کې ګډون درلود، په خپله وینا کې وویل:

"افغانان به اجازه ور نه کړي چې هېواد یې د نورو هېوادونو تر منځ د نیابتي جګړې په ډګر بدل شي".

آیا افغانستان په خپله خاوره کې د داسې یوې جګړې د مخنیوي توان لري؟

د جنرال مشرف د وړاندوینې معنا څه ده؟

مینه بکتاش د نوي ډیلي د پوځي او امنيتي چارو کارپوه مارشال کپل کاک او د د پاکستان پوځ څارګرې ادارې (آی ایس آی) پخواني مشر اسد دراني نه دغه پوښتنې کړې دي.