اندونیزیا وايي ۱۲۰ افغان کډوال یې له ډوبېدا وژغورل

اندونیزیا ویلي هغه ۱۲۰ افغان کډوال یې له ډوبېدا ژغورلي، چې اندونیزیا ته په یوه لرګینه کښتۍ کې سپاره وو.

دوی وايي چې ددغو کډوالو کښتۍ سورۍ شوې وه.

د اندونیزیا ملي څېړنې او ژغورنې ادارې ویلي د یکشنبې په ورځ یې د کښتۍ له کپتانه د مرستې یو تماس ترلاسه کړ.

دوی وايي چې دغه افغانان د اندونیزیا له جاوا ټاپو څخه لوېديځ ته په ټانکرو کې لېږدول شوي.

عیني شاهدانو ویلي، پولیس له کډوالو سره پر خبرو بوخت دي، چې ولې بېرته خپل هېواد ته نه ستنېږي.