وسله والو د غزني د څارنوالۍ رییس وژلی

د افغانستان په غزني ولایت کې د دغه ولایت د څارنوالۍ رییس سید سحرګل نن سهار له کوره ددفتر پر لور په ګاډي کې وسله والو په ډزو وژلی دی.

د غزني د ملکي روغتون رییس ډاکټر بازمحمد همت وايي، پېښه نن سهار د غزني ښار ته څېرمه په نواباد سیمه کې شوې ده.

نوموړی وايي، په ډزو پر لار یوه زده کوونکې هم ټپي شوې ده.

ډاکټر بازمحمد زیاتوي، چې د سحرګل مړی ددوی روغتون ته ور وړل شوی دی.

په دې اړه د غزني سیمه ییزو چارواکو لا څه نه دي ویلي.