پکتيا کې د يوه کس د وژلو په تړاو اعتراض

د افغانستان په سويل ختيځ پکتيا کې د افغان امنيتي ځواکونو يوې ګزمې يو کس وژلی دی.

لسګونو ځايي خلکو د دغه کس د وژنې په غبرګون کې چې دوی يې بزګر بولي د ګردېزـ پټان لاره د ترافيکو پر مخ تړلې ده.

ځايي امنيتي چارواکي وايي ګزمې يې له بريدګرو سره چې دوی يې لار شکوونکي بولي د ډزو تبادله کړې او وايي يو کس يې ترې وژلی دی.

امنيتي چارواکي وايي په دې اړه يې پلټنې پيل کړې دي.

بل خوا د ګرديز د روغتون چارواکي وايي چې د لوګر له څرخ ولسوالۍ نه دوی ته د درېو کسو جسدونه ور ورکړل شوې دي.