کندهار کې یوې چاودنې د کورنۍ ۶ کسه وژلي

د خپريدو وخت: 19:04 گرینویچ - پنجشنبه 23 اگست 2012 - 02 وږی 1391

دکندهار امنیتې چارواکې وایي د سړک غاړې ماین چاودنې له کبله د یوې کورنۍ شپږ غړي وژل شوې دي.

د دغه ولایت امنیه قومندان جنرال عبدالرازق وایي چاودنه د پنجشنبې په ورځ مازیګر مهال شاوخوا ۶ بجې د کندهار د سپین بولدک ولسوالۍ د کڅې زیارت په سیمې کې رامنځته شوې.

چارواکي وایي چې وژل شوي ټول د یوې کورنې غړي دي چې په کې دوه میرمنې، درې کوچنیان او یو نارینه شامل دی.

د تل په څېر چارواکو د دغه چاودنې پړه پر وسلوالو طالبانو اچولې خو دا هغه خبره ده چې وسله وال طالبان یې تل رد وي.

خو ځینې څېړنکې وايي چې ډیری وخت د سړک غاړې ماینونه د وسلوالو طالبانو له لوري د لاری په اوږدو کې د بهرنیو او افغان ځواکونو لپاره اېښودل کېږې.

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .