د سوریې میادین کې ۲۱ کسان وژل شوي

د خپريدو وخت: 05:56 گرینویچ - شنبه‬ 25 اگست 2012 - 04 وږی 1391

د سوریې د مخالفانو سرچینې وايي، د عراق پولې ته څېرمه په میادین ښارګوټي کې هغه مهال ۲۱ تنه ووژل شول، چې پوځ د اوسېدو پر ودانیو هوایي او توپونو بریدونه وکړل.

د سوریې پوځ دارنګه د پلازمینې دمشق په څنډو کې هم بمباري پیل کړې چې د فعالانو په وینا یې لږ تر لږه شل تنه وژلي دي.

ځینې راپورونه دا هم وايي، چې حکومتي ځواکونو د شمالي ښار حلب پر ځینو ولسوالیو هم درنې ډزې کړي دي.

په لندن کې د سوریې د بشري حقونو څارونکې ډله وايي، اګست میاشت په سوریه کې د تاوتریخوالو له پيل راهیسې تر ګردو خونړۍ ورځ میاشت ده.

د اګست په دریو لومړیو اونیو کې له څلورو زرو ډېر کسان وژل شوي دي.

دغه شمېرې په خپلواک ډول نه دي تایید شوې.

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .