کریکټ: افغانستان د بنګلدیش پروړاندې مات شو

د خپريدو وخت: 05:26 گرینویچ - شنبه‬ 08 سپتمبر 2012 - 18 وږی 1391

دا فغانستان کریکټ ملي لوبډلې په وېسټ انډيز کې د شل اوريز سياليو په لړ کې خپله دویمه لوبه د بنګلدېش پر وړاندې وبايلله.

د لوبې ټاس د بنګلدېش لوبډلې وګاټه او افغانستان ته يې د بېټېنګ يا منډو جوړولو بلنه ورکړه.

د باران اورښت له امله شل اوريزه لوبه په پنځلس اوره بدله شوه، چې افغان کریکټ ملي لوبډلې په ټاکل شويو ۱۵ اورونو کې د پنځو لوبغاړيو په سوځېدو سيالې لوبډلې ته د ۱۰۰ منډو هدف وټاکه.

په لوبه کې د افغانستان له لوري محمد نبي عيسی خېل او ګلبدين نايب ښه بېټېنګ وکړ او دواړه تر پايه ناسوځېدلي پاتې شول.

بنګلدېش لوبډلې بيا د خپلو دوو لوبغاړو په سوځېدو سره د افغانستان له لوري ورکړل شوی هدف ترلاسه کړ.

ټاکل شوې افغانستان په خپله درېيمه او اوروستۍ لوبه کې سبا د باربېډس لوبډلې پر وړاندې د سيالۍ ډګر ته ووځي.

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .