هلمند:چاودنې لږترلږه پنځه ملکې کسان ووژل .

د خپريدو وخت: 10:24 گرینویچ - جمعه 21 سپتمبر 2012 - 31 وږی 1391

دهلمند ځایي چارواکي وایي چې په سړک کې دیوه نصب کړل شوي ماین د چاودنې له کبله لږترلږه پنځه تنه ملکي وګړي وژل ښوي او اووه تنه نور ټپیان دي.

د دغه ولایت دامنیه قومندانې ویاند فرید احمد فرهنګ وایي چې چاودنه نن له غرمې وروسته شاوخوا یوه بجه دهلمند ولایت ناوې ولسوالۍ د دښتې په سیمه کې شوې چې د ده په خبره د دوو ماشومانو په ګډون یي پنځه تنه وژلي دي.

دهغه په خبره چاودنه هغه مهال وشوه چې دملکې خلکو یو سراچه موټر په سړک کې پر خښ کړل شوي ماین وربرابرشو چې د ده په خبره د طالبانو له خوا ځای پر ځاې شوی و.

فرهنګ وایي، چې په دغه پېښه کې اووه تنه چې اکثر يي ښځې او ماشومان دي ټپیان شوي دي. تردی دمه وسلوالو طالبانو په دې اړه څه نه دې ویلي .

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .