د هند د بهرنيو چارو وزير استعفا وکړه

د خپريدو وخت: 13:21 گرینویچ - شنبه‬ 27 اکتوبر 2012 - 06 لړم 1391

د هند د بهرنيو چارو وزير اس ام کرشنا له خپلې دندې استعفا کړې.

د دغه ۸۰ کلن هندي سياستوال له خولې ويل شوي چې له خپلې استعفا سره غواړي ځوانانو ته لاره پرانيزي.

اس ام کرشنا له ٢٠٠٩م کال راهيسې د هند د بهرنيو چارو د وزير په توگه دنده ترسره کوله خو د خپلو تېروتنو له امله يې هم شهرت موندلى وو.

ښاغلي کرشنا يو ځل د پرتگال د بهرنيو چارو د وزير له وينا نه اخيستل شوې برخې د ملگرو ملتونو امنيت شورا ته لوستې او بيا وروسته پوه شو چې دا د هغه لېکلې وينا نه ده او په ٢٠١٠ م کال کې د هغه پاکستاني سيال په ېوې خبري غونډه کې په څرگنده پر نوموړي د سستۍ او نه وړتيا تور ولگاوۀ او وې ويل چې بيا بيا يې له دیلي نه د لارښوونې غوښتنه کوله

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .