لغمان او ننګرهار ته ۱۶ مېګاواټه برېښنا ورسېده

د خپريدو وخت: 11:56 گرینویچ - شنبه‬ 08 ډسمبر 2012 - 18 لیندۍ 1391

شاوخوا ١٦ مېګا واټه برېښنا نن له نغلو نه ننګرهار او لغمان ته ولېږدېده.

د اوبو او برېښنا وزيراسماعيل خان، نن ددغې پروژې د پرانیستې پرمهال وويل چې پر دې چاره شا او خوا اوه دېرش ميليونه ډالر لګښت راغلى، چې د اسيا پرمختيايي بانک ورکړى دى.

چارواکو وويل، د برېښنا وېش پرمهال به لومړيتوبونه په پام کې نيول کېږي، چې لومړى به د استوګنځايونه روښانولو له پاره ورکول کيږي او په دویم قدم کې به صنعتي پارکونو ته ورکول کېږي.

چارواکي وايي، دا يې لومړى قدم دى او تر دې وروسته به نوره برېښنا هم له سروبي نه ننګرهار ته رالېږدول کېږي.

ددوی په وينا ددې له پاره غځول شوي مزي او شبکه د نوي ميګا واټه برېښنا د لېږد ظرفيت لري.

دمګړۍ له نغلو نه ١٦ ميګاواټه برېښنا را انتقاليږي چې ١٢ مېګا واټه يې ننګرهار ته ځي او ٤ نوره يې لغمان ته ځي.

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .