پاکستان تورخم پوله تړلې ده

د خپريدو وخت: 10:54 گرینویچ - جمعه 28 ډسمبر 2012 - 08 مرغومی 1391

د افغانستان ختيځ ولایت ننګرهار ولایتي ویاند بي بي سي ته ویلي، چې پاکستاني پولیسو د تورخم پوله تړلې ده.

دغه پوله نن (جمعه/دسمبر ۲۸) تړل شوې ده.

ویل کېږي، تورخم پوله له دې کبله تړل شوې، چې ګني افغان چارواکي په څرخي پله کې له پاکستاني بندیانو سره ناوړه چلند کوي.

پاکستان کې افغان سفیر عمر داودزي د پولې له تړل کېدا بې خبري ښودلې ده.

تورخم پولې ته د بي بي سي ورغلی خبریال وايي، هلته باران ورېږي او هوا ډېره سړه ده.

خلکو زموږ خبریال ته ویلي چې په داسې حال کې درې ماشومان د یخنۍ له کبله مړه شوي، چې کورنیو یې له پولې دېخوا انتظار کاوه.

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .