امریکا د اسد د سولې وړاندیز رد کړ

د خپريدو وخت: 05:34 گرینویچ - دوشنبه 07 جنوري 2013 - 18 مرغومی 1391

امريکا د سوريې ولسمشر بشار الاسد له لوري د سولې وړانديز رد کړی او دا يې پر واک د منګولو ټينګولو يوه بله هڅه بللې ده.

د امريکا د بهرنيو چارو وزارت وياندې وېکټوريا نولاند وويل د ولسمشر اسد ادارې ټول قاننيت له لاسه ورکړی او بايد له واکه ښکته شي.

ولسمشر اسد چې د يکشنبې پر ورځ يې د پلازمېنې دمشق اوپېرا ودانۍ کې خپلو هڅوونکيو پلويانو ته وينا کوله د جګړې پای ته رسولو په موخه د خپل وړانديز شرطونه په ګوته کړل.

له تېر جون راهيسې په خپله ښکاره وينا ده وويل د وړانديز له مخې يې د روغې جوړې يوه غونډه کېږي، چې اساسي قانون جوړ کړي.

خو ده وويل له هغه چا سره به په هېڅ خبرو کې ورګډ نه شي، چې ده د لوېديځ ګوډاګيان وبلل.

د سوريې ګاونډۍ ترکيې، برتانيا او اروپايي ټولنې هم پر دغې وينا نيوکې کړې، او پر خپله غوښتنه يې ټينګار کړی چې، ښاغلی اسد دې له واکه لرې شي.

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .