د مالي شمال کې درنه جګړه شوې

د خپريدو وخت: 21:02 گرینویچ - 10 فبروري 2013 - 22 سلواغه 1391

فرانسوي او مالي ځواکونه د مالي شمال لوی ښار ګاو په منځ کې له اورپکيو سره په جګړه کې کښېوتي دي.

په ګاو کې د بي بي سي يوه خبريال ويلي دا له هغه راهيسې چې تېره مياشت فرانسوي ځواکونو وسله وال ياغيان له دغه ښار وايستل، لومړی ځل دی چې د دغه ښار پر سړکونو ليدل کېږي.

د ټوپکو او نورو وسلو ډزو د ښار په کوڅو او خټيونو کورونو کې انګازې کړې دي.

راپورنه وايي چې ياغيان په ناببره بريد کې د مالي له ځواکونو سره نښتو کې ښکېل شوي، چې د پوليسو له مرکز سره پيل شوې دي.

د موجاو په نامه اورپکې ډلېويلي د يکشنبې ورځې برید تر شا دوی وو. وسله والو جنګياليو له دې مخکې له ښار بهر د پلټنو پر پوستو بریدونه کړي وو.

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .