لبنان وايي د ضرار جمو وژنه سیاسي نه وه

په لبنان کې امنیتي چارواکي وايي داسې نښې نښانې نشته چې روانه اوونۍ د سوریې د ولسمشر بشار الاسد د مخکښ پلوي وژل کېدل دې سیاسي موخه ولري.

چارواکي وايي لومړنۍ څېړنې ښيي چې محمد ضرار جمو د کورنۍ شخړې له امله وژل شوی دی.

جمو د تېرې چارشنبې په ورځ د لبنان په سوېل کې په خپل کور کې په ګولیو وویشتل شو.

د نوموړي وژنې د ګاونډي هېواد سوریې د شخړې د خورېدو وېره یو ځل بیا رامنځ ته کړې وه.

نوموړی له بشار الاسد څخه د دفاع له امله په عربي تلوېزیوني چېنلونو کې شهرت درلود.