امريکايي ساتونکو ۵۰ ناقانونه کډوال نيولي

د امریکا ساحلي ځواکونو تر ۵۰ زیات ناقانونه کډوال نیولي، چې د پورتو له لویدیځ ساحل سره نږدې یوه کوچني ټاپو کې بند پاتې وو.

د ساحلي ځواکونو یوه ویاند وویل، په دغه ډله کې لږترلږه ۱۰ مېرمنې هم شاملې دي. دغه کډوال چې فکر کېږي، له هایتي او دومینیک جمهوریته ورغلي د جمعې په ورځ په یاد ټاپو کې لیدل شوي وو.

ناقانونه کډوال د انساني قاچاقوړونکو لخوا ډېری وختونه د دیسیچیو په څېر ټاپو ګانو کې پرېښول کېږي.