هند کې لانجمنې بټۍ د برېښنا توليد پيل کړ

د هند په جنوب کې یوې لانجمنې اتومي بټۍ بلاخره د برېښنا تولید پیل کړ.

تېر کال په تمل ناډو کې د کوډانکالم اتومي بټۍ د فعالیت او خوندیتوب د اندېښنو په تړاو پراخ لاریونونه وشول.

دغه بټۍ روسیې جوړه کړې ده.

د برېښنا تولید دغه بټۍ له سمندر غاړې سره نژدې پرته ده، چې په ۲۰۰۴ کال کې څونامي وځپله.

فعالان او د سیمې اوسېدونکي وايي ښايي دغه بټۍ په ۲۰۱۱ کال د جاپان د فوکوشیما اتومي بټۍ په شان یو ناورین رامنځ ته کړي.

د هند حکومت وايي د برېښنا د تولید دغه مرکز له نړیوالو معیارونو سره سم جوړ شوی دی.