''خیبر پښتونخوا کې ځینې ډاکټران هم د پولیو واکسین مخالفت کوي''

ګوزڼ د انځور حقوق EPA
Image caption تېره اونۍ خیبر پښتونخوا کې د ګوزن ضد واکسین یو کمپاین پای ته ورسېد

خیبر پښتونخوا کې د عامې روغتیا چارواکي وايي، یو شمېر دولتي کارکونکي او ډاکټران هم خپلو ماشومانو ته د ګوزڼ( پولیو) ضد واکسین له ورکولو انکار کړی دی.

پېښور کې د ګوزڼ ضد کمپاین یوه مسوول ډاکټر شعیب بي بي سي ته ویلي، ټوله صوبه کې له دوو زرو ډېرو کسانو خپلو ماشومانو ته د واکسین له ورکړې انکار کړی دی.

تېره اونۍ خیبر پښتونخوا کې د ګوزن ضد واکسین یو کمپاین پای ته ورسېد. د بي بي سي خبریال د روغتیايي چارواکو له قوله ویلي، صوبې کې نژدې ۵۰ دولتي کارکوونکو او ان ۱۱ طبي ډاکټرانو خپلو ماشومانو ته د واکسین له ورکولو انکار کړی دی.

کونړ کې د ماشومانو د ګوزڼ ضد واکسین مخه نیول شوې

د پولیو لمنځه وړلو لپاره د افغانستان او پاکستان ګډې هڅې

کوټه: کلا عبدالله کې یو بل ماشوم ګوزڼ وهلی

ډاکټر شعیب وايي، دغه ډاکټران فکر کوي، چې یو ځل یې ماشومانو ته واکسین ورکړي او همدا بسنه کوي، خو په خبره یې د هر ګوزڼ ضد واکسین پر مهال باید ماشومانو ته واکسین ورکړل شي.

نوموړي زیاته کړې، دوی هڅه کوي ماشومانو ته د واکسین له ورکړې انکار کونکي قانع کړي، خو په وینا یې که داسې و نه شي دوی به د دغو کسانو خلاف محکمې ته عریضه وکړي. بل لور ته د معلوماتي تکنالوژۍ یوه ماهر د نوم نه څرګندولو په شرط بي بي سي ته ویلي، دوی د ګوزڼ ضد واکسین له معیاره ډاډه نه دي.

د انځور حقوق AFP/GETTY IMAGES

هغه وايي، د ده معلومات ښيي، چې ګوزڼ ضد واکسین باید خورا یخ وساتل شي، خو په لارو کو څو کې د کمپاین واکسین کونکي دغه اصل ته ډېر پام نه کوي، چې له کبله یې ښايي دغه واکسین د ګټې پر ځای زیان پېښ کړي.

خو نوموړی وايي، داسې نه ده چې ګواکې دوی د کوم مذهبي بندیز له کبله ماشومانو ته واکسین نه ورکوي، بلکې په وینا یې په واکسین کې د ځینو موادو منفي اغېزو په هکله یې هم اورېدلي دي. له تېرو دوو کلونو راهیسې خیبر پښتونخوا او قبایلي سیمو کې د ګوزڼ پېښې لږ شوې دي.

ورته مطالب