چین په بلوچستان کې د چینایانو پر وژنه اندېښنه ښودلې

د انځور حقوق EPA
Image caption تښتول شوي چينايي وګړي

د چین د بهرنیو چارو وزارت وايي د پاکستان په بلوچستان ایالت کې د دوو تښتول شویو چینایانو پر مړینه خواشیني دي او په دې اړه نور معلومات را ټولوي.

د تښتول شویو چینایانو د وژنې پړه "اسلامي دولت" نومې ډلې منلې ده.

بلوڅ مشر: چین دې بلوچستان کې خپلې پروژې ودروي

د سمندر پر غاړه د ګوادر تږی ولس

شینهوا خبري بنسټ د چین د بهرنیو چارو وزارت د ویاند له خولې لیکلي، "موږ په دې اړه خبر تر لاسه کړی او ډېر خواشیني یوو. موږ په تېرو ورځو کې د تښتول شویو چینایانو د ژغورلو هڅې کړې دي".

"اسلامي دولت" نومې ډلې ویلي، د مۍ میاشتې په وروستیو کې یې د پاکستان له جنوب لویدیځه تښتولي "چینایان وژلي دي".

داعش پورې اړوندې ویبپاڼې اعماق په ټیلیګرام کې په عربۍ ژبه خپره کړې خبرپاڼه کې منلې چې چینایان یې وژلي دي.

تر اوسه پاکستاني چارواکو د یادو چینایانو وژنه تایید کړې نه ده.

اړونده مطالب

ورته مطالب