چین د اختراع د امتیاز ثبتولو کې پر امریکا مخکې شو

د انځور حقوق Getty Images
Image caption تر ډېره په چین کې هواوي شرکت د اختراع د امتیاز حق ثبتولو وړاندیزونه کړي

د فردي ملکیت د نړیوالې ټولنې د کلني راپور پربنسټ، له چین څخه د اختراع د امتیاز د حق ثبتولو لرلو له اړخه تر یو میلیون ډېر غوښتنلیکونه شوي، چې په دې سره یې پر امریکا ځان مخکې کړی دی.

یاد سازمان د اختراع د امتیاز حق ثبتولو دغه شمېره "استثیايي" بللې ده.

تر ډېره د ابتکار غوښتنې د اړیکو، محاسبې، ترانسپورت او طبي ټکنالوژۍ په برخو کې شوې دي.

د چین حکومت شرکتونه د اختراع د حق ثبتولو وړاندیز کولو ته هڅوي.

د چین اقتصاد په تېرو ۲۵ کلونو کې اوس ورو شوی

په ۲۰ کلونو کې د چین اقتصاد تر ټولو ټیټه کچه

خو ګڼ کارپوهان بیا شک لري چې ایا رښتیا هم چین تر نورو هېوادونو په ابتکار کې مخکښ دی.

د فردي ملکیت د نړیوال سازمان د راپور له مخې، په ۲۰۱۵ کال په ټوله نړۍ کې د اختراع د حق ثبتولو ټول ټال ۲٫۹ میلیون غوښتنې شوې، چې د وړم کال په پرتله ۷٫۸ سلنه ډېروالی ښيي.

چین دا وړتیا لري چې دا شمېره لوړه کړي. یاد سازمان په ۲۰۱۵ کال په چین کې د اختراع د حق ثبتولو یو میلیون ۱۰۱ زره او ۸۶۴ وړاندیزونه ترلاسه کړي.

چین پر جاپان، جنوبي کوریا او امریکا ټولو اوس مخکې شوی دی.

خو چینايي مخترعین په بهر کې د خپلو اختراع ګانو د امتیاز ثبتولو کې تر ډېره محافظه کار پاتې شوي.

د اختراع د حق ثبتولو سازمان وايي، د چین هواوي او د ټیلیفون زي ټي اي شرکت تر نورو هغو د اخترا ثبتولو ډېر وړاندیزونه کړي.

د انځور حقوق Getty Images
Image caption چینايي مخترعین بهر کې د اختراع د امتیاز حق ثبتولو کې محافظه کاري کوي

له اټکل لږ

چین له تېرو کلونو راهیسې هڅه کوله چې د اختراع د امتیاز د حق ثبتولو کې لومړی مقام خپل کړي، چې دې کار یې په کور د ننه شرکتونه ډېر فعالیت ته هڅولي دي.

چین کې صنعتي فعالیتونو وده کړې

په چین کې د شخصي فکري ملکیت اړوند دفتر وړاندې ویلي وو، هوډ لري چې په ۲۰۱۵ کال کې د اختراع د امتیاز حق ثبتولو کچه دوو میلیونو ته لوړه کړي.

ورته مطالب