تر '۲۰۲۰' پورې د مسافر ژغورنې بې پیلوټه الوتکه جوړېږي

  • 5 جنوري 2017 - 16 مرغومی 1395
د انځور حقوق URBAN AERONAUTICS
Image caption دا الوتکه بېړنیو حالاتو کې مرسته کولای شي

د بې پیلوټه الوتکو جوړوونکي یوه اسرائیلي شرکت ویلي، تر ۲۰۲۰ کال پورې به د مسافرو د ژغورنې بې پیلوټه الوتکې جوړې کړي. ددغه شرکت یادې الوتکې په تېره نومبر میاشت کې د لنډ واټن الوتنو ازموینه وکړه.

د ''اوربان ایروناټکس'' په نامه دغه شرکت له ۱۵ کلونو راهیسې د یادې الوتکې د جوړېدو چارې پیل کړې چې تر ډېره غواړي د پوځي موخو په ژغورلو کې وکاروله شي.

د ''کورمورانټ'' یا تورې هیلۍ په نامه پر دغې بې پیلوټه الوتکې نژدې ۱۴ میلیون ډالر لګول کېږي، چې تر ۵۰۰ کیلوګرامو وزن لېږدوي او په یوه ساعت کې یې چټکوالی ۱۸۵ کیلومتره دی.

بې پیلوټه الوتکه کې به سفر وکړئ؟

د فیسبوک بې پیلوټه الوتکې بریتانیا کې جوړې شوې

شرکت وايي، د الوتکې د ننه سیستم ډېر خوندي دی.

د انځور حقوق URBAN AERONAUTICS
Image caption په تېر نومبر کې خپلسرې مهالرېدونکې الوتکې لومړنۍ تجربه کړې

دا نوې بې پیلوټه الوتکه به په عمودي ډول پورته کېږي او ښکته کېږي، د ودانیو پرسر، استوګنیزو سیمو او د برېښنا مزو لاندې به په خوندي توګه الوتنه کولای شي.

د دغه شرکت اجرایوي مشر رافي یولي وویل ''دې کار د کورمورانټ د یوې ښې نمونې جوړولو لپاره لاره هواره کړې، چې د ټکنالوژۍ په برخه کې ښه وځلېږي''.

د چین ایهانګ شرکت هم د بې پیلوټه الوتکو جوړول پیل کړي، چې په پام کې ده راتلونکې جولای میاشت کې به د امریکا نیوادا ایالت کې ازمایښتي الوتنې وکړي.

د امریکا نیوادا کې د 'بې پیلوټه ټکسي' ازموینه

د لندن امپریال کالج د هوايي ربوټونو د لابراتوار مشر ډاکټر میرکو کواچ وویل: ''دغه په پام کې نیول شوې بې پیلوټه الوتکه به د شخصي بې پیلوټه الوتکو د پرمختګ لپاره نور امکانات زیات کړي، نه دا چې څېړنیز کارونه یې په مټ وشي، بلکې یوڅه وهم لېږدولای شي. ''

دی زیاتوي: ''ددغو الوتکو د خونديتابه او اسانه کارونې لپاره لاهم ډېر ټکنالوژیک کار ته اړتیا ده، خو په بازار کې یې عام کول انسانانو ته له یوه ښاره بل د هوا له لارې لېږدولو ته لاره هواروي.''

د انځور حقوق Image copyrightTHINKSTOCK
Image caption امازون د توکو لېږدولو لپاره بې پیلوټه الوتکه ازمویلې ده

د امپریال کالج میخانیکي هندسې د برخې یو مسلکي راوي ویدیاناتان وايي، د یادې اسرائیلۍ الوتکې وروستۍ تجربه د لنډ واتن الوتنو په ازمیښتونو کې یوه ''تاریخي شېبه'' وه، خو وروسته به دا الوتکه د بشري ژغورنې او پوځي موخو لپاره وکارول شي.

ده بي بي سي ته وویل: ''د ځانګړو اپلېکیشنونو (کاریالونو) او د خوندیتاه د ثبت اسانتیاوې پکې جوړول ښه نظر دی. ''

اړونده مطالب

ورته مطالب