'له اپ سټور د ایراني اپلیکېشنونو لیرې کول'

د انځور حقوق Getty Images
Image caption اپل د خپل وروستي اخیستل شوي ګام په اړه څه نه دي ویلي

له ایران نه رپوټونه وايي، اپل شرکت له 'اپ سټور' نه په ایران کې د جوړو شويو اپلېکېشنونو (کاریالونو) لیرې کولو هوډ کړی.

اپل په تېره سپټمبر میاشت کې اپ سټور د ایرانیانو پرمخ پرانیست او داسې اټکل و چې ورو - ورو به ځینې بندیزونه لیرې کړي.

د 'ټکر' په نامه یوې وېبپاڼې، چې د اپلېکېشنونو او ټکنالوژۍ په برخه کې ایران کې ارزونه کوي، پخپل راپور کې ویلي، څو ورځې وړاندې له اپ سټور نه د ایران تر ټولو د انټرنېټټي خرڅلاو لوی اپلېکېشن 'دیجي کالا' هم لیرې کړی و.

اپل نن نوی ای فون بازار ته وړاندې کوي

د اپل فعالیت سیسټم کې نیمګړتیاوې معلومې شوې

اپ سټور په رسمي توګه په ایران کې فعالیت نه لري، خو ګڼ شرکتونه خپل کاریالونه پکې له ایرانه بهر ثبتوي.

'دیجي کالا' د بټرفلای سیستم له لارې پیسې ورکوي چې په بشپړ ډول له نړیوال سیستم نه جلا دی او هېڅ راکړه ورکړه وسره نه لري.

نو ښکاري چې فعالیت یې د اپل له شرطونو او اصولو سره په ټکر کې نه دی.

اپل د خپل وروستي اخیستل شوي ګام په اړه څه نه دي ویلي، خو د ټکراسا په وینا، هغه شرکتونه چې دا مهال خپل اپلېکېشنونه اپلوډوي، له یوه داسې پیغام سره مخامخېږي، چې په یوه برخه کې ایراني اپلېکېشنونه نه شي منلای.

اپل چین کې د 'ایفون' نښې په تړاو قضیه وبایلله

اړونده مطالب