سعودي وايي د فوټبال سیالیو پرمهال یې د چاودنې پلان شنډ کړی

د انځور حقوق AFP
Image caption السلطات السعودية حددت هوية متورطين في التخطيط لهجوم بسيارة مفخخة على ملعب كرة قدم

سعودي عربستان ویلي، په لوېدیځ جده ښار کې یې د فوټبال نړیوالو سیالیو پرمهال د بمي چاودنې یو پلان شنډ کړی دی.

د کورنیو چارو وزارت وايي، ترهګرو پلان درلود د سعودي عربستان او اماراتو ترمنځ د فوټبال سیالیو پرمهال یو موټربم وچووي، خو شنډ کړل شو.

په پام کې وه، چې د سعودي او اماراتو ترمنځ دا سیالۍ د اکتوبر پر ۱۱مه، د جدې ښار په یوه مهم ساحلي لوبغالي کې ترسره شي.

یاد وزارت وايي، د برید یو بل پلان یې هم شنډ کړی، چې غوښتل یې ریاض ته څېرمه امنیتي کسان په نښه کړي.

مدینه منوره کې نبوي جومات ته څېرمه ځانمرګي برید ۴ کسان وژلي

سعودي کې اورلوبې ۱۷ کلن افغان زلمی وژلی

سرچینه وايي، ښکاري چې دغه برید نېغ په نېغه له ''اسلامي دولت'' نومې (داعش) ډلې سره تړاو درلود.

چارواکو ویلي، د سعودیانو، پاکستانیانو، یوه سوداني او یوه سوریايي وګړي په ګډون یې اته کسان د بریدونو د سمبالښت په تور نیولي دي.

د ځینو نورو هغو مشکوکو نومونه هم په ډاګه شوي، چې د قطیف او دمام په بریدونو کې یې لاس درلود.

په تېره دوو کلونو کې سعودي عربستان د ''اسلامي دولت'' نومې ډلې د ځینو بریدونو شاهد و.

په تېره جون میاشت کې، یوه ځانمرګي برید کوونکي مدینه منوره کې لږترلږه څلور کسان ووژل او پنځه نور یې ټپیان کړل.

د انځور حقوق AFP/GETTY IMAGES
Image caption په پام کې وه، چې د سعودي او اماراتو ترمنځ دا سیالۍ د اکتوبر پر ۱۱مه، د جدې ښار په یوه مهم ساحلي لوبغالي کې ترسره شي.

سعودي دیني علماوو د مدینې منورې ځانمرګی برید غندلی دی

اړونده مطالب

ورته مطالب