محمد نبي او راشد خان په کارابین کرېکټ سیالیو کې

د انځور حقوق Getty Images

افغان الراونډر کرېکټ لوبغاړي محمد نبي تایید کړې، چې دی او ملګری افغان لوبغاړی یې راشد خان د روان کال کارابین غوره لیګ سیالیو کې برخه اخلي.

محمد نبي پر خپله ټویټر پاڼه لیکلي:

'له ای پي ایل وروسته اوس د سي پي ایل وار دی. د ویاړ ځای دی، چې زه او راشدخان دواړه به د ایس ټي کیټس، نیویس پاټریوټس او ګیانا امازون واریرز لپاره ولوبیږو.

راشد او نبي د کارابیین غوره لیګ مزایده کې له پیاوړو نوماندو لوبغاړو

شل اوريزو لوبو کې د افغانستان نړيوال ريکارډ '

کارابین غوره لیګ یا 'هیرو سي پي ایل ټي ۲۰ ' د کارابین سمندر ټاپوګانو سیمې په کچه د شل اووریزو کرېکټ لوبو سیالۍ دي، چې د سي پي ایل ټي ۲۰ په نامه یادیږي او سږ کال په کې دغه دواړه افغان لوبغاړي هم برخه اخلي.

له دې مخکې د سیمې او نړۍ د یو شمېر وتلیو کرېکټ لوبغاړو په ګډون د افغانستان د دغو دوو لوبغاړو نومونه د روان کارابیین غوره لیګ 'سي پي ال ' لوبو مزایده کې د پیاوړو لوبغاړو نوملړ ته ورزیات شول.

د افغانستان دغه دواړه لوبغاړي وړاندې د هند غوره لیګ 'آی پي ال ' لوبو ته کې هم د مالي امتیاز په بدل کې واخیستل شول.

په پام کې ده د کارابیین غوره لیګ سیالۍ د اګست په لومړۍ پیل شي او د سپتمبر په ۹مه پایته ورسېږي.

د انځور حقوق TWITTER

داسې رپوټونه و، چې د راشد خان او محمدنبي ترڅنګ د افغانستان د ملي لوبډلې درې نور لوبغاړي نوروز منګل، اصغر ستانکزی او نجیب الله ځدراڼ نومونه هم د کارابین غوره لیګ مزایدې ته نومول شوي وو، خو اوس یوازې د یادو لوبغاړو اخیستل کېدو اعلان شوی دی.

محمد نبي دا څو ورځې وړاندې د کرېکټ نړیوالې شورا په تازه درجه بندۍ د یو ورځنیو لوبو دویم غوره الراونډر وټاکه.

راشد د خپل لیګ سپېن او ګوګلي توپ اچونې وړتیا له کبله له وړاندې د کرېکټ ډېرو نړیوالو شنونکو ستایلی. راشد هم نړیوالو شل اوره لوبو کې د غوره توپ اچوونکو کتار کې په پنځمه شمېره ده.

اړونده مطالب