مشهور فوټبال لوبغاړی کرستیانو رونالډو وايي، له هېچا نه ډارېږي

د انځور حقوق Getty Images
Image caption پر رونالډو تور دی، چې د ۲۰۱۱ او ۲۰۱۴ کلونو تر منځ یې د مالیې ورکړه کې ۱۶ میلیونه یورو غلا کړې ده.

اسپانیا کې څارنوالانو د پرتګال پر مشهور لوبغاړي کرستیانو رونالډو تور پورې کړی، چې سلګونه زره یورو مالیه یې غلا کړې.

رونالډو د ریال مادرید لوبډلې لپاره لوبه کوي.

فوټبال: څوک به د اروپا اتل شي؟

کریسټیانو رونالډو د اروپا ۲۰۱۵-۲۰۱۶ غوره لوبغاړی

یورو ۲۰۱۶: د پرتګال اتلولي؛ د رونالډو د خوب رښتیا کېدو شپه

ماډرید کې د څارنوالي له لوري یوه اعلامیه کې ویل شوي، چې دوی د رونالډو خلاف قضیه ثبت شوې ده. پر نوموړي تور دی، چې له ۲۰۱۱ تر ۲۰۱۴ پورې یې ۱۶ میلیونه یورو مالیه نه ده ورکړې.

د انځور حقوق Getty Images
Image caption رونالډو د هغو لوبغاړو ډله کې شامل دی، چې نړۍ کې تر ټولو ډېر عاید لري.

رونالډو چې د سپورت نړۍ کې تر ټولو ډېر عاید لرونکی شخصیت دی، مخکې ویلي و، له هېچا ځکه نه ډاریږي، چې درغل نه دی او د پټولو لپاره هېڅ نه لري.

دسمبر کې افشا شویو اسنادو کې ویل شوي وو، چې رونالډو له اف شور کمپنیو د تر لاسه شوي عاید پر سر مالیه نه ده ورکړې. خو کرستیانو رونالډو دغه تورونه رد کړي وو.

کله چې د دغو تورونو په اړه له ښاغلي رونالډو پوښتنه وشوه، نوموړي د ځايي خبري رسني پرتوګیزا خبریال ته ویلي و:

'هغه کسان چې پټولو ته څه نه لري، هغه له هېچا نه ډاریږي '

اړونده مطالب

ورته مطالب