شاپور خپل تاریخي کمیس د شاهد اپریدي بنسټ ته ډالۍ کړ

د لارډز په لوبغالي کې د افغان لوبغاړو لومړنی انځور د انځور حقوق Getty Images
Image caption دغه کمیس د ټولو لوبغاړو لخوا لاسلیک شوی دی.

د افغانستان د کریکټ ملي لوبډلې چټک توپغورځوونکي شاپور ځدراڼ د کریکټ لوبو کمیس د کریکټ د نامتو پښتون ستوري شاهد اپريدي خیریه بنسټ ته ډالۍ کړی او هغه یې هر کلی کړی دی.

شاپور ځدران ډالۍ کړی کمیس د انګلستان په لارډز لوبغالي کې د افغانستان او ایم‌سي‌سي لوبډلو تر منځ لوبه کې پر تن کړی و.

شاهد اپريدي د شاپور ځډران له ډالۍ مننه کړې او د شاهد اپريدي په نامه جوړ شوي دغه بنسټ ته یې یاده ډالۍ له ارزښته ډکه بللې ده.

شاپور ځدراڼ په یاده لوبه کې د مصباح الحق په ګډون د سیالې لوبډلې ۳ توپوهونکي وسوځول.

د انځور حقوق Shahid Afridi /Twitter
Image caption شاهد اپريدي د شاپور ځډران له ډالۍ مننه کړې او هغه ارزښتمنه ډکه بللې ده.

د افغانستان د کریکټ د ملي او ایم‌سي‌سي لوبډلو ترمنځ لوبه د روانې میاشتې په ۱۱مه په لارډز لوبغالي کې تر سره شوه.

لارډز لوبغالی چې د کریکټ د کور په نامه یادېږي افغان لوبډلې پکې خپله لومړنۍ تاریخي لوبه تر سره کړه.

د افغانستان د کریکټ د ملي او ایم‌سي‌سي لوبډلو ترمنځ لوبه د باران د اورښت له امله مساوي اعلان شوه.

"د افغانستان کرېکټ به زما د نسل د سپورټ تر ټولو ستره کیسه وي"

لندن کې د افغانستان او اېم سي سي ترمنځ کرېکټ لوبه د انځور په ژبه

شاهد اپریدي پېښور زلمي لوبډله پرېښوده

د شاهد اپريدي خیریه بنسټ د ۲۰۱۴ کال په مارچ کې جوړ شو چې په ټولنه کې د بې وزلو او اړمنو د ژوند کچې لوړولو په برخه کې کار کوي.

د دغه بنسټ لومړنی کار د کوهاټ په تنګي بانډه کې د یوه خیریه روغتون جوړول و.

دغه بنسټ په خیبر پښتونخوا کې د څښاک د پاکو اوبو د برابرولو په برخه کې هم کار کوي.

د انځور حقوق Getty Images
Image caption شاپور له ایم‌سي‌سي سره په لوبه کې د سیالې لوبډلې درې لوبغاړي وسوځول

اړونده مطالب

ورته مطالب