کريکټ : افغانستان په حيرانوونکي ډول ماليزا ته ماتې ورکړه

ريس احمدزى
Image caption ريس احمدزي په دويمه پرله پسې لوبه کې تر پنځوسو ډيرې مندې وکړې او وځليد

د ٢٣٧ منډو هدف د ماليزيا په څير لوبډلې ته خورا ډيرې ځکه ښکاريدې چې د افغانستان د لوبډلې بالران پياوړي دي .

خو په حيراننونکې توگه ماليزيا دغه هدف تر پايه تعقيب کړ .

که ماليزيا په خپلو پاتې دوو لوبو کې بوټان ا و متحدو عربو اماراتو ته ماتې ورکړي او د منډو اوسط يې تر افغانستان لوړ وي نو افغانستان به له سياليو ووځي او دوى به نيمه پايلوبو ته ورسيږي

که داسې وشول دا به له ٢٠٠٦ کال څخه راهيسته لومړى ځل وي چې افغانستان د اسيا د کريکټ شورا د غوره هيوادونو يا ايليټ ټرافۍ په ترڅ کې نيمه پايلوبو ته نه رسيږي.

خو که ماليزيا يوه لوبه وبايلله بيا به افغانستان نيمه پايلوبو ته رسيږي.

د ماليزيا له خوا سوهان کمار ٦١ مندې وکړې او د بري بنسټ يې کېښود خو وروسته انور الدين او نورترام پسې ښه لوبه وغځوله او برى يې نژدې يقيني کړ .

انورالدين په ٤٣ منډو د حميد حسن په توپ شهزاد کيچ اوټ کړ خو ماليزيا د دۀ د سوځيدا تر وخته په ښه دريځ کې وه .

په ورپسې بال حميد حسن بل لوبغاړى وسوځاوه او داسې هيله يې پيدا کړه چې شايد افغانستان ماتې په بري بدله کړي .

په بل اوور کې شاپور په لومړي توپ د ماليزيا اووم لوبغاړى وسوځاوه او افغان مينه وال يې راپورته کړل .

دا هغه وخت و چې ماليزيا په ٣٦ توپونو اتلس منډو ته اړتيا لرله او لا يې شپږ لوبغاړي پاتې و .

خو د اوو توپونو په تيريدا ماليزا بله منډه وانه خيسته او درې لوبغاړي يې وسوځيدل.

ماليزيايي لوبغاړو گټلې لوبه ليده چې له لاسه يې وځي خو د ماليزيا رحيم او عرفان د شاپور په پاتې پنځو توپونو څلور منډې واخيستې او ماليزيا يې بري ته يو گام بل هم ورنژدې کړ .

ماليزيا په وروستيو څلورويشت توپونو يوازې څوارلس منډو ته اړتيا لرله او لا هم ورسره درې لوبغاړي پاتې و .

حميد حسن دوه نور لوبغاړي وسوځول او لوبه وروستي اوور ته ورسيده.

په وروستي اوور کې ماليزا څلورو منډو ته اړتيا لرله او يو لوبغاړى ورپاتې و.

ماليزيايي لوبغاړو دوه منډې واخيستې خو په وروستيو دوو بالونو لا هم ورته دوه منډې پاتې وې .

کپتان نوروز منگل بالينگ کاوۀ او په خپل پنځم بال يې د ماليزيا وروستى لوبغاړى وسوځاوه او له يوې په زړۀ پورې لوبې وروسته يې دا لوبه په يوې منډې وگټله .

د افغانستان منډې

د اسيا د کريکټ شورا د غوره هيوادونو يا ايليټ ټرافي په دريمه لوبه کې ريس احمدزي ناسوځيدلو ٦٤ منډو افغان لوبډله وتوانوله چې ماليزيا ته تر دوو سوو د ډيرو منډو موخه وټاکي .

په داسې پېچ يا د لوبې پر ميدان چې ظاهرآ شنه واښه پرې ښکاريدل افغانستان پچه وگټله او خپله يې منډو ته زړۀ ښه کړ .

افغان لوبډلې پيل دومره ښه و چې د پچې تر گټلو وروسته پريکړه پکې سمه ښکاريده .

افغانستان په ديارلسم اوور کې خپل لومړى لوبغاړى کريم صادق هغه وخت له لاسه ورکړ چې لوبډلې اويا منډې درلودې .

کريم صادق ٤٦ مندې کړې وې. نور علي ٢٤ او اصغر ستانکزي ٤١ منډې وکړې او داسې ښکاريده چې افغانستان به تر درو سوو پورې منډې وکړي .

خو د ١٤٤ منډو په مجموعه کې چې شهزاد څلورم لوبغاړى وسوځيد داسې ښکاره شوه چې منډې جوړول گران شوي او تر دوو سوو پورې به هم رسيدل اسانه نه وي .

ريس احمدزى

په همداسې يوه ناهيلي حالت کې پخواني افغان کپتان ريس احمدزي بيا وښووله چې تجربه په همداسې شرايطو کې پکار وي .

په ريس احمدزي ځينو کړيو د جمعې په ورځ نقد کړى و چې له اماراتو سره ورو لوبيدلى و .

له اماراتو سره ريس احمدزي ٥٥ منډې کړې وې او په داسې وخت کې لوبې ته راوتلى و چې د افغان لوبډلې ډير لوبغاړي سوځيدلي و او دۀ بايد احتياط کړى واى .

خو له ماليزيا سره ريس احتياط او تجربه وکاروله او يوازې په ٥٩ بالونو يې ٦٤ ناسوځيدلې منډې وکړې .

که افغانستان دا لوبه گټي نو ارو مرو به د ريس احمدزي دغه منډې بې سارى ارزښت ورته لري .

په افغان لوبډله کې نن د شبير پر ځاى دولت احمدزى لوبې ته راغلى دى .

دولت احمدزى تيز بالر دى که څه د بېټينگ په ترڅ کې ټپي شو او له لوبې ووت خو وروسته بيرته راستون شو .

د دولت ، شاپور او حميد په شته والي کې بايد ماليزيا له خورا ډيرو ستونزو سره مخامخ وي .

ورته مطالب