افغانستان د ويسټ انډيز ټاپو په کرېکټ کې مات کړ

د خپريدو وخت: 09:00 گرینویچ - جمعه 07 سپتمبر 2012 - 17 وږی 1391

نبي د دې لوبې غوره لوبغاړی اعلان شو.

د افغانستان د کرېکټ ملي لوبډلې په ویسټ انډیز کې د ۲۰ اووریزو سیالیو په ترڅ کې د هغه هېواد د ټرېنېډاډ ټاپو د ټرېنېډاډ لوبډلې د پچې په گټلو خپله منډو ته ملا وتړله او په ټاکل شویو ۲۰ اوورونو کې يې د نهو لوبغاړو په سوځېدو ۱۷۱ منډې جوړې کړې.

د افغانستان له لوري دولت ځدران او محمد نبي دوه دوه او کریم صادق یو لوبغاړی وسوځاوه.

د افغانستان ملي لوبډلې له یوې په زړه پورې سیالۍ وروسته په وروستي اوور کې د اوو لوبغاړو په سوځېدو هدف ترلاسه او لوبه یې وګټله.

د افغانستان له لوري محمد نبي ۵۷ او ګلبدین نایب ۳۳ منډې جوړې کړې.

نبي د دې لوبې غوره لوبغاړی اعلان شو.

دا سيالۍ د ويسټ انډيز د يوه ټاپو ټرېنېډاډ اينډ ټوبېگو د خپلواکۍ ترلاسه کولو د لمانځلو په وياړ پيل شوي دي.

په دې ۲۰ اووريزو سياليو کې د افغانستان، بنګله دېش او د ويسټ انډيز د ټرېنېډاډ او باربادوس ټاپوگان برخه لري.

د دغو سياليو د پايلوبې گټونکى به شاوخوا ٥٠ زره امريکايي ډالر د انعام په توگه اخلي خو افغان لوبډله تر انعام دې ته خوښه ده چې د ۲۰ اووريزو نړيوالو اتلوليو لپاره به ورته د چمتو والي ښه موقع برابره شي.

د افغانستان ملي لوبډله به نن د سپتمبر په اوومه نېټه له بنګله دېش سره لوبه کوي.

افغانستان تېر کال هم د ویسټ انډيز له ځينو لوبډلو سره په کاناډا کې سيالۍ کړې وې.

ويسټ انډيز ته د افغانستان د کرېکټ ملي لوبډلې دا دوېيم سفر دى.

له دې مخکې د ٢٠١٠کال په ۲۰ اووريز نړيوالو اتلوليو کې د ګډون لپاره ورغلي وو.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .