افغان فوټبال تر هند او پاکستان بيا وړاندې شوى

د خپريدو وخت: 09:29 گرینویچ - سه شنبه 04 ډسمبر 2012 - 14 لیندۍ 1391

په افغانستان کې فوټبال په تېره لسيزه کې د پام وړ پرمختگ کړى دى.

د فيفا يا د فوټبال د نړيوال فدراسيون په وروستيو درجه بنديو کې اسپانيا لا هم په اول مقام کې ځاى لري.

اسپانيا د نړيوالو اتلوليو او د اروپا د اتلوليو اتله ده.

په دويم ځاى کې جرمني او دريم ارجنتاين دى.

خو د ٢٠٧ هېوادونو په دغه کتار کې د افغانستان ځاى د پام وړ دى.

که څه هم تر تېرو هغو افغانستان يو مقام شاته شوى او اوس په ١٦٧ نمبر دى خو بيا هم تر خپلو ځينو نژدې سيالانو لوړ دى.

پاکستان په ١٨٠ او هند په ١٦٩ مقام او بنگله ديش په ١٧١ نمبر کې ځاى لري.

په درجه بنديو کې د اسيا د لويې وچې تر ټولو مخته هېواد جاپان دى چې په ٢٤ مقام کې ځاى لري.

د افغانستان په نورو گاونډيانو کې ايران په ٤٤ ، ازبکستان په ٦٩ ، ترکمنستان په ١٢٩ او تاجکستان په ١٣٧ نمبر کې ليدل کيږي.

په افغانستان کې فوټبال په تېره لسيزه کې د پام وړ پرمختگ کړى دى.

د سويلي اسيا په فوټبال اتلوليو کې افغانستان پايلوبې ته ورسېد.

د افغانستان د ښځو ملي لوبډله هم د روان کال په ترڅ کې په لومړي ځل د يوې نړيوالې رسمي لوبې د گټلو وياړ وموند.

په دې اړه نور مطالب

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .