کرېکټ:د هند او پاکستان یوه ورځنۍ لوبه روانه ده

د خپريدو وخت: 11:57 گرینویچ - 06 جنوري 2013 - 17 مرغومی 1391

د پاکستان لومړی سوځېدونکې لوبغاړی کامران اکمل و، چې له منډې جوړولو پرته د لوبې له ډګره ووت.

د هند او پاکستان ترمنځ د هندوستان په پلازمېنه ډیلي کې دریمه کرېکټ یوه ورځنۍ لوبه روانه ده او د پاکستان لوبډله د هندي لوبډلې له لوري د ټاکل شوي هدف تر لاسه کولو هڅه کوي.

پاکستان د دې لوبې د ګټلو لپاره ۱۵۸ منډو ته اړتیا لري او دم ګړۍ یې اته لوبغاړي د لوبې په ډګر کې موجود دي.

لږ شېبه مخکې پاکستان له ۱۰ اوورونو وروسته د دوو لوبغاړو په سوځېدو ۲۲ منډې جوړې کړې.

د پاکستان لومړی سوځېدونکې لوبغاړی کامران اکمل و، چې له منډې جوړولو پرته د لوبې له ډګره ووت.

د ۱۴ منډو له ټول ټال سکور جوړېدو وروسته پاکستان ته بل زیان د محمد یونس د سوځېدو په بڼه ورسېد.

"د هندۍ لوبډلې کپتان مهندر سنګ دهوني د یوې څلوریزې او درې شپږیزو پر مټ ۳۶ منډې جوړې کړې."

له دې مخکې د هند ټوله لوبډله له ۴۴ اورونو وروسته د ۱۶۶ منډو په جوړولو سره وسوځېده.

د هندۍ لوبډلې کپتان مهندر سنګ دهوني د یوې څلوریزې او درې شپږیزو پر مټ ۳۶ منډې جوړې کړې.

د هند دویم ځلېدونکې لوبغاړی سرېش راینه و، چې د یوې شپږیزې او دوو څلوریزو پر مټ یې ۳۱ منډې جوړې کړې.

د پاکستان له لوري سعید اجمل پنځه، محمد عرفان دوه او جنیدخان، محمد حفیظ او عمرګل یو – یو لوبغاړی وسوځاوه.

پاکستان له مخکې نه د هند پر وړاندې دوه پر صفر پرېکړنده برلاسی تر لاسه کړی.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .