افریکن فوټبال لیګ پیل شو

د خپريدو وخت: 06:31 گرینویچ - 20 جنوري 2013 - 01 سلواغه 1391

د فوټبال سیالیو په لړ کې لومړۍ تر سره شوې دوې لوبې بې پایلې پای ته ورسېدې.

د جنوبي افریقا په جوهانسبرګ ښار کې د افریکن کپ اف نېشنز (د افریقايي ملتونو د جام فوټبال سیالیو) د پیل مراسم تر سره شول.

دې لړ کې د شنبې په ورځ د جوهانسبرګ په ساکر سټي لوبغالي کې د افریقا دودیزې نڅاووې تر سره شوې. پر دې سربېره د یوه ځوان هلک لرګین ګوډاګی نندارې ته وړاندې شو، چې په پښو کې یې د فوټبال توپ لیدل کېده.

د فوټبال سیالیو په لړ کې لومړۍ تر سره شوې دوې لوبې بې پایلې پای ته ورسېدې.

ټاکل شوې وه، چې د افریقايي هېوادونو تر منځ د فوټبال دغه سیالۍ په لیبیا کې تر سره شی، خو وروسته په دې پرېکړه کې بدلون راغی او سیالۍ جنوبي افریقا ته ولېږدول شوې.

جنوبي افریقا د ۲۰۱۰ کال د فوټبال د نړیوالو سیالو کوربه توب په غاړه درلود. ویل کېږي، د فوټبال دغه سیالۍ به په هغو لوبغالو کې تر سره شي، چې د فوټبال د نړیوال جام د سیالیو لپاره چمتو شوي وو.

د پیل له مراسمو وروسته د کوربه هېواد او کیپ ورډي تر منځ لوبه وشوه او ورپسې د انګولا او مراکش تر منځ لوبه وشوه.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .