نایجریا د افریقايي هېوادونو فوټبال اتل شو

د خپريدو وخت: 06:00 گرینویچ - دوشنبه 11 فبروري 2013 - 23 سلواغه 1391

په ۱۹۸۰ او۱۹۹۴ کلونو کې هم نایجریا اتل شوی و.

نايجريا په جهانسبرګ کې د افريقايي هيوادونو د فوټبال سياليو جام وگاټۀ.

نايجريا دلوبې په لومړي نيمايي کې يوصفر بورکېنا فاسو ته ماته ورکړه.

دا په تېرو ۱۸ کلونو کې لومړى ځل دى چې نايجريا د افريقايي سياليو اتلولې گټي.

خو د بي بي سي د سپورت خبريال وايي بوکېنا فاسو د فوټبال لوبډله هم په دغو سياليو کې ډېره ښه لوبه وکړه.

دا د نایجریا د فوټبال په تاریخ کې درېیم ځل دی، چې د افریقايي سیالیو په لړ کې اتل کېږي.

په ۱۹۸۰ او۱۹۹۴ کلونو کې هم نایجریا اتل شوی و.

نایجریايي کپتان سټیفن کیشي دویم لوبغاړی دی، چې په افریقايي فوټبال لوبو کې د یوه کپتان او لوبغاړي په توګه بریالی کېږي.

نوموړی په ۱۹۹۴ کال د هغې لوبډلې مشر و، چې دا لوبه یې وګټله.

د افریقايي سیالیو د پایلوبې په څلورم پړاو کې یوازې دوه ګوله وشول، همدا وو چې دواړو لوبډلو په لومړي ساعت کې د خپلو ګونو د ډېرولو هڅې کولې.

خو د لومړي پړاو په اوومه دقیقه کې نایجریايي اریک امبروز یو ګول وکړ.

خو بورکیني لوبغاړي جونتن پیټرویبا، چې د لوبغالي په سم ځای کې نه و ولاړ، دوه ځلې توپ ترې تېر شو.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .