مصری لوبغاړی د سیسي په تایید وځنډول شو

Image caption لوبغالو کې پر سیاسي اشارو بندیز لګېدلی.

د مصر د فوټبال ټولنې د فوټبال د یوه مصري لوبغاړي صلاح امین د لوبېدو مخه ځکه نیولې ده، چې په یوه اشاره کې یې د دفاع وزیر عبدالفتاح السیسي ملاتړ کړی دی.

ویل کېږي چې امین د C توري په بڼه، چې د دفاع د وزیر عبدالفتاح السیسي دویم نوم هم دی، اشاره کړې ده.

نوموړي دا اشاره تر یوې بریا وروسته کړې ده.

خو دغه لوبغاړی دا نه مني چې ګني قصد یې د السیسي ملاتړ و.

دی وايي، چې له سیاست سره هېڅ سروکار نه لري.

د فوټبال اتحادیې ویلي، د دغه لوبغاړي عمل له هغو ځانګړو قوانینو سرغړونه ده، چې په مخالفت یې لوبغاړي له سیاسي شعارونو راګرځولي دي.

اعلامیه وايي، تورن لوبغاړی به د راتلونکي لوبیر موسم پرمهال نه لوبېږي او ۲۹۰۰ ډالر جریمه به ورکوي.

امین درېیم لوبغاړی دی، چې مصر کې د سیاسي پلوۍ په اشاره سزا ورکول کېږي.

وړاندې د مصر د فوټبال یو لوبغاړی احمد عبدالظاهر د درو میاشتو لپاره کورنیو او نړیوالو لوبو کې له لوبېدو څخه منع شو، چې ګني د مصر د مخکني منتخب ولسمشر محمد مرسي په پلوۍ یې اشاره کړې وه.

همداشان، د کونګ فو ټولنې یو لوبغاړی په دې تور له لوبو وګرځول شو، چې ګني د قاهرې ختيځ رابع العدویه سیمه کې یې د محمد مرسي د پلویانو لاریون ماتولو په تړاو په څلورو ګوتو اشاره کړې وه.

د بي بي سي په نور پاڼو کې