د ۱۹ کلنو افغان کرېکټ لوبډله ماليزيا ته روانه شوې

د انځور حقوق Afghan Cricket Board

د افغانستان د ۱۹ کلنو ځوانانو کرېکټ لوبډله د اسيا په غوره ليګ سياليو کې د ګډون لپاره مالېزيا ته روانه شوې.

دغه سيالۍ به د دې هېواد په پلازمېنه کولالمپور کې ترسره کېږي.

په دغو سيالو کې د اسيا شپږ لوبډلې ګډون کوي چې د افغانستان او کوربه هېواد مالیزیا تر څنګ په کې د کویټ، نیپال، سعودي عربستان او متحده عربي اماراتو لوبډلې شاملې دي.

ويل کېږي دغه لوبې به د اګست په ۲۸ نېټه پيل او د سپټمبر ۳ پوررې دوام لري.

د افغانستان د کرېکټ بورډ وياند فريد هوتک بي بي سي ته وويل،افغان لوبډله د دغو سيالیو دفاعي اتله ده او تمه ده چې له خپلې اتلولۍ دفاع وکړي.

ورته مطالب