متحده عربي اماراتو د اسيا کرېکټ سياليو ته لار وموندله

د انځور حقوق AFP

متحده عربي اماراتو کرېکټ لوبډلې د عمان ټيم ته په ماتې ورکولو سره د اسيا کرېکټ اتلولوليو ته لار پيدا کړه.

عربي اماراتو دا سيالي د ٧١ منډو په توپیر سره وګټله. د لار موندنې په دې وروستۍ لوبې کې عربي اماراتو په ټاکلو شلو اورونو کې ۱۷۲ منډې جوړ کړې کړې، خو د عمان لوب ډله د ۱۰۱ منډو له جوړلو وروسته وسوځېدله.

په دې توګه اماراتو د خپلو دريو لوبو له ګټلو سره شپږ پواينټونه ترلاسه او د اسيا اتلولۍ بل پړاو ته يې لاره پيدا کړه. داسيالۍ په ٢٤ نېټه د هند او بنګله دېش ترمنځ لومړنۍ لوبې سره پيلېږي.

د لار موندنې دا سيالۍ د افغانستان، اماراتو، عمان او هانگ کانگ ترمنځ وه، که چيرې اماراتو د عمان پر ضد خپله نننۍ لوبه بايللى وى نو د منډو ښه اوسط سره افغانستان بل پړاو ته لاره موندلى شوی.

افغان لوبډلې خپله لومړۍ لوبه عربي اماراتو ته بایللې وه خو دویمه هغه یې له عمان څخه وګټله.

ورته مطالب