د هند کلکته کې مرګونی اور بل شوی

د خپريدو وخت: 09:32 گرینویچ - چارشنبه 27 فبروري 2013 - 09 کب 1391

د اور لګېدو پرمهال ګڼ خلک په ودانۍ کې ویده وو.

د هندوستان ختيځ کلکتې په یوه ناقانونه مارکیټ کې اور لګېدو لږترلږه ۱۹ کسان مړه کړي دي.

پولیس وايي، د سوریا سېن مارکیټ په دوه پوړیزه دودیز ډول جوړ شوی و.

ګڼ کسان سخت سوځېدلي دي، خو چارواکي وايي، چې شاید د مړو شویو کسانو شمېر نور هم لوړ شي.

د اور لمبې تر درېیو ساعتونو پورې بلې وې او د اور وژنې ډلې یې د وژلو هڅه کوله.

پولیسو ویلي، اور سهار وختي داسې مهال بل شوی، چې ګڼ خلک ویده وو.

د اور وژنې د خدمتونو حکومتي وزیر جاوید خان اې ایف پي خبري اژانس ته ویلي چې "مارکیټ یوازې د وتلو یوه لار لري. هغه کسان چې په مارکیټ کې ایسار پاتې شوي په اور کې سوځېدلي دي. "

ښاغلی خان وايي، دا یو ناقانونه مارکیټ و، همدا وو چې د اور وژنې مخکني تدابیر یې په پام کې نه دي نیول شوي.

د لوېديځ بنګانل یوه وزیره مماتا بنیجي د پېښې ځای ته ورغلې او د هر اړخیزې پلټنې ژمنه یې کړې ده.

"بې نقشې ودانۍ"

هغې ویلي، چې "ناقانونه او یا بې نقشې ودانۍ په ښار کې شته، چې په هېڅ کومه خونه کې یې د اور وژنې لپاره څه نه شته".

دې د وژل شویو کسانو له کورنیو سره د ۲۰۰۰۰۰ روپیو (چې درې زره اووه سوه او څوارلس ډالر کېږي) ژمنه هم کړې ده.

خو وايي چې هر سوځېدلي ته به ۹۳۰ ډالر ورکړي.

د ۲۰۱۱ کال اور په یوه روغتون کې لګېدلی و.

د دغه مارکیټ اور وژلو ته لږترلږه ۲۵ د اور وژنې ګاډي استول شوي او سوځېدلي کسان نژدې روغتونونو ته لېږل شوي دي.

که څه هم تر اوسه د اور لګېدو اصلي لامل نه دی په ډاګه شوی، خو سیمه ییزو چارواکو ویلي، چې ودې شي د برېښنا د شارټۍ له کبله رامنځ ته شوی وي.

په وروستیو کلونو کې کلکته کې د اور وژنې ډېرې پېښې شوې دي.

تر ټولو وروستۍ یې د ۲۰۱۱ په دسمبر کې د اور لګېدو هغه پېښه وه، چې په یوه روغتون کې یې لږترلږه ۴۳ کسان ووژل.

او په ۲۰۰۸ کال کې بیا ددغه ښار د اور یوې بلې پېښې تر ۲۵۰۰ ډېر دوکانونه وسوځول.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .