'ټرمپ د جاپان له لومړي وزیر سره ګوري'

د انځور حقوق Getty Images
Image caption دا مهال د جاپان لومړي وزیر د پیرو یوې نړیوالې ناستې مېلمه دی او په پام کې ده چې نیویارک کې د تمېدو پرمهال له ښاغلي ټرمپ سره وګوري.

جاپاني چارواکو ویلي، د امریکا نوی ولسمشر ډونلډ ټرمپ به په بهرنیو مشرانو کې لومړی د جاپان له لومړي وزیر شینزو ابي سره وګوري.

د چارشنبې په ورځ، یوازې له لومړني بهرني چارواکي سره د ټرمپ له کتنې یوه ورځ وړاندې د جاپان د بهرنیو چارو وزیر وویل، تمه ده چې دا لیدنه به ژر ترسره شي، خو تر اوسه یې ځای او یا دا چې په کتنه کې به څوک ګډون کوي، معلومات نه شته.

جاپاني چارواکي وايي، په دې اړه نور څه نه شي ویلای، چې په تړاو یې د معلوماتو ترلاسه کولو لپاره له چا سره اړیکه ونیسي.

ویلادیمیر پوتین او ډونلډ ټرمپ د 'اړیکو رغول غواړي'

رینس پریبس د ټرمپ د دفتر مشر شو

جاپاني او امریکايي چارواکو ویلي، دغې خبرې نېغ په نېغه د امریکا د نوي ولسمشر د دفتر د پلان یوه برخه ده چې د امریکا د بهرنیو چارو د وزارت هېڅ مداخله پکې نه شته.

رویټرز خبري اژانس ته یوه جاپاني چارواکي ویلي، په دې اړه "ډېرې اندېښنې شته".

ددغو خبرو پلان تېره اونۍ جوړ شوی و. په وروستیو کې ډونلډ ټرمپ نیویارک کې د "ټرمپ" څلي کې، چې د ټرمپ اصلي مرکز ګڼل کېږي، د خپلو سلاکارانو او راتلونکې کابینې پر ټاکلو بوخت و.

ځینو امریکايي رسنیو ویلي، د راتلونکي دولت د ټاکلو پر سر، د ښاغلي ټرمپ د پلویانو ترمنځ د نظر ژور اختلاف شته، همدا ده چې د کابینې وروستی نوملړ ټاکل یې ګران کړي دي.

په پام کې ده چې د راتلونکې جنورۍ پر ۲۰، ټرمپ رسماً د امریکا د رسمي ولسمشر په توګه کار پیل کړي، خو د اصولو له مخې باید له یادې نېټې وړاندې نوموړی د خپل دولت اصلي کسان وټاکي.

ټرمپ: نژدې درې میلیونه ناقانونه کډوال له امریکا شړم

ډونلډ ټرمپ د امریکا هغه لومړنی ولسمشر دی، چې دغه مقام ته له ترسره شویو ټاکنو وړاندې، یې پر هېڅ کوم دولتي یا پوځي پوست کار نه دی کړی.

د انځور حقوق AFP
Image caption ډونلډ ټرمپ د جاپاني رسنیو د خوښې کاندید نه و

په پام کې ده چې ښاغلی ټرمپ به د جاپان لومړي وزیر ته ډاډ ورکړي چې ګني د ده [ټرمپ] د ځینو ټاکنیزو شعارونو سربېره، نور هېوادونه باید له امریکا سره د دوی د راتلونکو سوداګریزو اړیکو په اړه د نارامۍ احساس ونه کړي.

د ټرمپ یو ټاکنیز شعار د وارداتو پر ازادۍ نیوکه وه، چې په وینا یې، د امریکا صنایعو او په دې هېواد کې یې کاري فرصتونو ته ډېر زیان اړولی دی.

ښاغلي ټرمپ له چین نه د توکو د چټکو وارداتو په تړاو اندېښنه ښودلې وه.

ټرمپ د چین له ولسمشر سره ټیلېفوني خبرې کړې

اوباما ناټو او اروپايي ټولنه د ټرمپ له همکارۍ ډاډمنول غواړي

دا مهال د جاپان لومړي وزیر د پیرو یوې نړیوالې ناستې مېلمه دی او په پام کې ده چې نیویارک کې د تمېدو پرمهال له ښاغلي ټرمپ سره وګوري.

ورته مطالب